ގެސްޓް ހައުސްތައް ހުޅުވުމުގެ ފުރުޞަތު ތަނަވަސްކުރުމާ ބަހީ: ފަތުރުވެރިކަމާއި ބެހޭ ވަޒީރު

ގެސްޓް ހައުސްތައް ހުޅުވުމުގެ ފުރުސަތު ތަނަވަސްކުރުމަށް މަސައްކަތްކުރުމަށް ފަތުރުވެރިކަމާއި ބެހޭ ވަޒީރު ޑރ.ޢަބްދުﷲ މައުސޫމު ގޮވާލައްވައިފިއެވެ.

ޑރ.މައުސޫމު ކުރެއްވި ޓްވީޓެއްގައި ވިދާޅުވެފައިވަނީ، ކޮވިޑް19 ފެތުރެން ދިމާވަނީ މީސްތަކުންގެ ގައިގޯޅިވުމަށް ކަމަށެވެ. އަދި ގައިދުރުކަމަށް އެޅޭ ކޮންމެ ފިޔަވަޅަކުން ކޮވިޑް ފެތުރޭ މިންވަރު ދަށްވުމުގެ ފުރުސަތު ބޮޑު ކަމަށްވެސް މިނިސްޓަރު ވިދާޅުވިއެވެ.

މިނިސްޓަރު މައުސޫމުގެ ޓްވީޓްގައި އިތުރަށް ވިދާޅުވެފައިވަނީ، ގެސްޓްހައުސް ހުޅުވުމުގެ ފުރުސަތުތައް ތަނަވަސްކުރަން ޖެހޭ ކަމަށެވެ. އަދި ގެސްޓުންގެ އަދަދު އިތުރުކުރެވެން އޮތީ ފައްސިވާ މިންވަރު ދަށްކުރެވިގެން ކަމަށްވެސް ވިދާޅުވެފައިވެއެވެ.

Meesthakunge gaigoalhi kamaa Covid fethurumaa gulhey! Gaidhuru kamah elhey konme fiyavalhakun Covid fethurey minvaru dhahvumuge furusathu bodu. #Guest_adhadu mathikurumah…#Fassi_adhadhu dhahkuramaa…#Guesthouse thah hulhuvumuge furusathu thanavaskuramaa baheee!

— Abdulla Mausoom (@Mausoom_Maus) August 22, 2020

ޑރ.މައުސޫމުގެ މި ޓްވީޓަކީ ރައްޖޭގައި ކޯވިޑް19 އަށް ފައްސިވަމުންދާ މިންވަރު އިތުރުވަމުންދާތީވެ، އެކަމުގެ ކަންބޮޑުވުމާއި، ގެސްޓްހައުސްތައް ނުުހުޅުވި ދިގުލައިގެންދާތީވެ އެކަމުގެ ކަންބޮޑުވުމަށް ކުރެއްވި ޓްވީޓެއްކަމަށް ބެލެވެއެވެ.

ރާއްޖޭގައި ކޯވިޑް192ްއަށް ފައްސިވަމުންދާ މިންވަރު ދަނީ އިތުރުވަމުންނެވެ. އަދި ނިއުނޯމަލް އާއެކު ރިސޯޓްތައް ހުޅުވާލިނަމަވެސް ފަތުރުވެރިން ރާއްޖެ އަންނަ ނިސްބަތް ވަރަށް މަދުކަން ފާހަގަކޮށްލެވެއެވެ.