އެޗްޕީއޭއާއި ދެކޮޅަށް އެމްޑީޕީގެ އަނަސްވެސް ތެދުވެއްޖެ

ރޭގަނޑު 20:00 ފެށިގެން ފަތިހު 05:00 ވެހިކަލް ދުއްވުން މަނާ ކުރިކުރުމާއިގުޅިގެން ހެލްތް ޕްރޮޓެކްޝަން އޭޖެންސީ (އެޗްޕީއޭ) އާއި ދެކޮޅަށް، ލޯކަލް ކައުންސިލް އިންތިހާބުގައި އެމްޑީޕީ ޓިކެޓުގައި މާލޭ މޭޔަރުކަމަށް ވާދަކުރައްވާ ކެންޑިޑޭޓް އަނަސް އަބްދުއް ސައްތާރު ނުކުންނަވައިފިއެވެ.

އެމްޑީޕީގެ ސެކެޓްރީ ޖެނެރަލްކަންވެސް މީގެކުރިން ކުރެއްވި އަނަސް ވިދާޅުވީ، އެޗްޕީއޭގެ ނިންމުމަކީ މިކޮވިޑް19 ގައި ނިކަމެތިވަމުންދިޔަ ރައްޔިތުންގެ ހާލަތު އިތުރަށް ނިކަމެތިވެ ހީނަރުވަމުންދިޔަ ވިޔަފާރިތައް އިތުރަށް ހީނަރުވެގެންދާނެ ނިންމުމެއްކަމަށް ދެކޭކަމަށެވެ. މިކަން ހާމަކުރައްވާފައިވަނީ އޭނާ ކުރެއްވި ޓުވީޓެއްގައެވެ.

މިކަންކަމަށް ރިއާޔަތްކޮށް އެޗްޕީއޭގެ ނިންމުން އަލުން މުރާޖާކުރުމަށްވެސް އަނަސްވަނީ ގޮވާލައްވާފައެވެ.

HPAge nimmumaky mi #Covid19 gai nikamethi vamun dhiya rayyithunge haalathu ithurah nikamethive, heenaruvamun dhiya viyafaarithah ithurah heenaruvegendhaane nimmumeh kamah dheken. Mi kan kamah riaayaiy koh HPAge mi nimmun alun muraaja’aa kurumah govaalan!

— Anas Abdul Sattar (@anasabdulsattar) August 23, 2020

އަނަސްގެ އިތުރުން ގިނަ އަދަދެއްގެ އާއްމު ރައްޔިތުން ދަނީ ނުރުހުން ފާޅުކުރަމުންނެވެ. އަދި މިނިންމުންތަކަކީ އެއްވެސް ހަރުދަނާކަމެއްނެތް އިތުރު ތަކުލީފުތަކެއްގެގޮތުގައި ރައްޔިތުން އަންނަނީ ސިފަކުރަމުންނެވެ.

ރޭގަނޑު 20:00 ފެށިގެން ފަތިހު 05:00 ވެހިކަލް ދުއްވުން މަނާ ކުރީ އެންމެ ބޮޑަށް ބަލިފެތުރޭ ކަމަށް ބެލެވިފައިވާ ޒުވާނުންގެ އިޖްތިމާއީ އެއްވުންތަކާއި ދަތުރުކުރުންތައް ވީހާވެސް ބޮޑަކަށް ހުއްޓުވުމަކަށް ގެނައުމަށް ކަމަށް އެޗްޕީއޭއިން ބުނެއެވެ.