އިތުބާރުނެތް ކަަމުގެ މައްސަލާގައި އެއްވެސް އަސާސެއް ނެތްކަމަށް މާލޭ ސިޓީ މޭޔަރު ސިފާ މުހަންމަދު ވިދާޅުވެއްޖެއެވެ.
ކައުންސިލް ހިންގެވުމުގައި އިހުމާލުވެ ވަޑައިގެންފައިވާތީ ކަމަށް ބުނެ ހުށައަޅާވައިވާ އިތުބާރު ނެތްކަމުގެ މައްސަލަ އަށް ރައްދު ދެމުން ސިފާ މިއަދު ކުރެއްވި ޓުވީޓެއްގައި ބުނެފައިވަނީ ކައުންސިލަށް ކުރިމަތިލެއްވީ ހިދުމަތެއް ކޮށްދިނުމަށް ކަމަށާއި، އަމިއްލަ މަންފާއާއި ފައިދާއެއް ހޯދުމަކަށް ނޫންކަމަށެވެ.
އިތުރަށް ޓުވީޓުގައި ސިފާ ވިދާޅުވީ، އިތުބާރު ނެތްކަމަށް ހުށައެޅުއްވި މައްސަލާގެ ތެރޭގައި ރައްޔިތުންނަށް ޙިދުމަތްނުދެވިގެން، ކަންބޮޑުވެގެން އެންމެ ކަމެއްވެސް ނެތްކަމަށެވެ.
Council kamah kurimathilan vani hidhmatheh kohdhinumah . Amihla manfaai faidhaaeh hoadhumakah noon . Ithubaaru nehkamah hushaelhi mahsalaige thereygaa rayathunah hidhmaithah nudhevigen kanboduvegen emme kamehves neh.
— Shifa Mohammed???? (@SifaMohammed) August 27, 2020
ސިފާގެ ވާހަކަށް ދިފާއުކުރައްވާ އަލީ ނިޔާޒުވެސް ވަނީ ވާހަކަދަައްކާވާފައެވެ. އެގޮތުން އަލީ ނިޔާޒު ކުރެއްވި ޓުވީޓެއްގައި ބުނެފައިވަނީ ޒާތީ މައްސަލަތައް އިސްކޮށް ކައުންސިލްތައް ހިންގަން ތިބޭފަރާތްތަކަށް އިތުބާރު ނެތްކަމުގެ ވޯޓް ނެގުމުން އެކަންބަލައި ނުގަނެވޭކަމަށެވެ.
ޒަާތީ މައްސަލަތައް އިސްކޮށް ކައުންސިލްތައް ހިންގަން ތިބޭ ފަރާތްތަކާމެދު އިތުބާރުނެތްކަމަށް ވޯޓް ނެގުން ބަލައެއް ނުގަނެވޭ. 8 ވަނަ އިސްލާހާއެކު އެކަމަށް ނިމުން އަންްނާނެ. ކޮވިޑް ގެ އުދަނގޫ ދުވަސްކަރު ކައުންސިލް ވަރަށް ހަރަކާތް ތެރި! https://t.co/bmlzsHtuFy
— Ali Niyaz ???? (@ali_niya) August 27, 2020
ސިފާގެ އިތުބާރު ނެތްކަމުގެ މައްސަލަ މާލޭ ސިޓީ ކައުންސިލް ބައްދަލުވުމަށް ހުށަހެޅުއްވީ މާފަންނު އުތުރު ދާއިރާގެ ކައުންސިލް މެންބަރު މުޙައްމަދު ފަޒީނެވެ. މޭޔަރުގެ އިތުބާރު ނެތްކަމުގެ މައްސަލަ ކުރިއަށް ގެންދިއުމަށް ފާސްވީ 9 މެންބަރުންގެ ވޯޓުންނެވެ.
އަދި މައްސަލައަށް ޖަވާބުދާރީވުމަށް 10 ދުވަހުގެ މުއްދަތެއް ސިފާ އަށް ދިނުމަށް ވަނީ ނިންމާފައެވެ.