ހުޅުމާލޭގައި ހެދިފައިހުރި ބައެއް ފިތުރޯނު ގަސްތައް ކަނޑާލަން ނިންމައިފި އެވެ.
އެޗްޑީސީން ބުނީ، އެ ގަސްތައް ހެދިބޮޑުވެ، އޭގެ ވަރުގަދަ ގޮފިގަނޑުތަކުގެ ސަބަބުން މަގުތަކަށް ގެއްލުންވަމުންދާ ކަމަށެވެ. އަދި މަގުމަތީގައި ހުންނަ ފެންހިންދާ ނިޒާމްތަކަށްވެސް އެ ގަހުގެ ފަތްތަކަގެ ސަބަބުން ގެއްލުންވާ ކަަމަށް އެޗްޑީސީން ބުނެފައި ވެއެވެ.
އެހެންކަމުން ކުރިއަށް އޮތް ހަފްތާއެއްހާ ދުވަސް ތެރޭގައި ބައެއް މަގުތަކުގައި ހުރި ފިތިރޯނު ގަސްތައް ކަނޑާލުމަށްފަހު، އެެހެން ސަރަހައްދުތަކެއްގައި އެ ގަސްތައް ޖަހާނެ ކަމަށް އެޗްޑީސީން ބުނެފައި ވެއެވެ.
https://twitter.com/hdcmaldives/status/1299608098034741248
އަދި ފިތުރޯނު ގަސްތައްނނަގާ އިރު ނަގާނި ބައެއް ގަސްތައް ކަމަށާއި ގަަސްތައް ނެގުމަށް ފަހު އެހެން ސަރަހައްދެއްގައި އިންދަން ނިންމާފައިވާ ކަމަސް އެޗްޑީސީ އިން ބުންޏެވެ. ނުވަތަ އެ ގަސްތައް އެހެން ބޭނުމަކަށް ބޭނުން ކުރާނެ ކަމަށް އެޗްޑީސީ އިން ބުންޏެވެ.
ހުޅުމާލޭ އެކި ސަރަހައްދުތަކުގައި ހެދިފައި ހުރި ކުނިއެޅޭ ޒާތުގެ ގަސްތައް ނަގައި އެޗްޑީސީ އިން މިހާރު ވެސް ދަނީ އެހެން ގަސް އިންދުމުގެ މަސައްކަތް ކުރަމުންނެވެ.