ސަރުކާރު ހިންގާ މައި ޕާޓީ އެމްޑީޕީގެ ލީޑަރޝިޕްގެ ފަރާތުން ސިފައިންނާއި ފުލުހުންގެ ކިބައިން މާފަށް އެދެން ޖެހޭ ކަމަށް ކުރީގެ ނައިބް ރައީސް ޑރ މުހައްމަދު ޖަމީލް އަހުމަދު ވިދާޅުވެއްޖެއެވެ.
ފުލުހުންގެ އިންސްޕެކްޝަންސް ޑޭއާއި ގުޅުވައިގެން ކުރިއަށް ގެންދާ ހަރަކާތްތަކާއި ގުޅިގެން ޑރ ޖަމީލް ކުރެއްވި ޓުވިޓެއްގައި ވިދާޅުވީ އެމްޑީޕީގެ ލީޑަޝިޕުން ސަލާމަތީ ބާރުތަކަށް ޖެއްސުންކޮށް އަނިޔާކުރުމަށް ގޮވައި ހިންގާފައިވާ ކަންކަމަށް ފުލުހުންނާއި ސިފައިންގެ ކިބައިން މަޢާފަށް އެދެންޖެހޭ ކަމަށެވެ. އަދި މަޖިލީހުގެ އެމްޑީޕީ މެމްބަރުންނަށްވެސް ފުލުހުންގެ ޚިދުމަތުގެ މުޙިންމުކަން އުނގަންނައިދޭންޖެހޭ ކަމަށް ޑރ ޖަމީލް ވިދާޅުވިއެވެ.
އެމްޑީޕީގެ ލީޑަޝިޕުން ސަލާމަތީ ބާރުތަކަށް ޖެއްސުންކޮށް އަނިޔާކުރުމަށް ގޮވައި ހިންގާފައިވާ ކަންކަމަށް ފުލުހުންނާއި ސިފައިންގެ ކިބައިން މަޢާފަށް އެދެންޖެހޭ. މަޖިލީހުގެ އެމްޑީޕީ މެމްބަރުންނަށްވެސް ފުލުހުންގެ ޚިދުމަތުގެ މުޙިންމުކަން އުނގަންނައިދޭންޖެހޭ. 2/2 pic.twitter.com/Qy2NIOxyw2
— Mohamed Jameel Ahmed (@MJameelAhmed) September 1, 2020
މީގެއިތުރުން ޑރ ޖަމީލް ވިދާޅުވީ ޤައުމީ ތަރައްޤީގެ ތަޞައްވަރެެއް ލީޑަރުން އަތުގައި އޮންނަންޖެހޭ ކަމަށާއި ފުލުހުންގެ ތަރައްޤީއަށް ކުރީގެ ރައީސް އަބްދުﷲ ޔާމީން ކޮށްދެއްވި މަސައްކަތް މިއަދު ހުޅުވުނު އިމާރާތުންވެސް ފެނިގެންދާ ކަމަށެވެ. އަދި ޕީޕީއެމް/ޕީއެންސީއަކީ ބިނާކުރާ ފިކުރު ކަމަށާއި ހުޅުޖަހައި ފުލުހުންނަށް އެންމެ ބޮޑު ގެއްލުމެއް ލިބުނީ 8 ފެބްރުއަރީގައި ކަމަށް ޑރ ޖަމީލް ވިދާޅުވިއެވެ.
ޤައުމީ ތަރައްޤީގެ ތަޞައްވަރެެއް ލީޑަރުން އަތުގައި އޮންނަންޖެހޭ. ފުލުހުންގެ ތަރައްޤީއަށް ރައީސް ޔާމީން ކޮށްދެއްވި މަސައްކަތް މިއަދު ހުޅުވުނު އިމާރާތުންވެސް ފެނިގެންދޭ. ޕީޕީއެމް/ޕީއެންސީއަކީ ބިނާކުރާ ފިކުރު. ހުޅުޖަހައި ފުލުހުންނަށް އެންމެ ބޮޑު ގެއްލުމެއް ލިބުނީ 8 ފެބްރުއަރީގަ. 1/2 https://t.co/CmaUlXszbq
— Mohamed Jameel Ahmed (@MJameelAhmed) September 1, 2020