ގދ. ތިނަދޫގައި ކޮވިޑް-19 ފެތުރިފައިވޭތޯ ދެނެގަތުމައް، ރެންޑޮމް ސާމްޕަލް ނަގަން ފަށައިފިއެވެ.
މިދިޔަ ހޮނިހިރު ދުވަހު އެރަށުން އުމުރުން ދުވަސްވީ މީހަކު ވަނީ ކޮވިޑް-19އަށް ފައްސިވެފަައެވެ. އަދި އޭގެ ފަހުން އެރަށުން ބިދޭސީއަކުވެސް ވަނީ ކޮވިޑް-19 އަށް ފައްސިވެފައެވެ. އެ ދެ މީހުންނަކީވެސް އެރަށުން މާލެއަށް ދަތުރު ކުރާ ބޯޓެއްގައި މަސައްކަތް ކުރަމުންދިޔަ ދެ މީހެކެވެ.
އެ ދެ މީހުން ފައްސިވުމާއި ގުޅިގެން އެރަށް މޮނީޓާރިންގއަށް ލައި ގިނަބަޔަކު ކަރަންޓީންވެސް ކޮށްފައި ވެއެެވެ.
އެރަށުގައި ކޮވިޑް-19 ފެތުރިފައިވޭތޯ ބެލުމަށް ސާމްޕަލް ނެގުމަށް ނިންމާފައިވާއިރު، އެރަށް ވަނީ އާއްމު ހާލަތަށް ގެނެސްފައެވެ.