އައިޖީއެމްއެޗްއަށް ލެބޯރެޓަރީ ޓެކްނޮލޮޖިސްޓުން ހޯދަނީ

އައިޖީއެމްއެޗް އިން މިއަދު ކުރި އިއުލާނެއްގައި ބުނެފައި ވަނީ، ހޮސްޕިޓަލުގައި ލެބޯޓްރީ ޓެކްނޮލޮޖިސްޓުންގެ ގޮތުގައި ކޮންޓްރެކްޓް އުސޫލުން މަސައްކަތް ކުރާނެ 13 ފަރާތެއްް ބޭނުންވާ ކަމަށެވެ.

އެ އިއުލާނުގައި ބުނެފައިވާގޮތުގައި، މި މަގާމަށް ހޮވާ މުވައްޒަފުން މަސައްކަތްކުރަންޖެހޭނީ ދުވާލަކު 6 ގަޑިއިރު ހަފްތާއެކު 5 ދުވަހު (ދަންފަޅި އުސޫލުން) ކަމަށެވެ.

އެއް އަހަރު ދުވަހުގެ މުއްދަތަށް ހޮވާ މި މުވައްޒަފުންނަށް މުސާރައިގެ ގޮތުގައި މަހަކު 5610 ރުފިޔާ ލިބޭނެއެވެ. އަދި ސަރވިސް އެލަވަންސްގެ ގޮތުގައި މަހަކު 2500 ރުފިޔާ ލިބޭއިރު، މަސައްކަތަށް ނުކުންނަ ކޮންމެ ދުވަހެއްގައި ރިސްކް އެލަވެންސްގެ ގޮތުގައި 100 ރުފިޔާ ލިބޭނެ ކަމަށް އެ އިއުލާނުގައި ބުނެފައި ވެއެވެ.