ގދ. ތިނަދޫގައި ހުންނަ ހުވަދޫ ސަރަހައްދީ ދާރުލްއާސާރަށް ބަޔަކު ވަދެ އެތަނުގައި ހުރި ބައެއް ތަކެތި ވަގަށް ގެންގޮސްފިއެވެ.
ހެރިޖޭޓް މިނިސްޓްރީން ބުނީ ތިނަދޫގައި ހުންނަ ދާރުލްއާސާރަށް ރޭ ބަޔަކު ވަދެ އެތަނުގައި ހުރި ބައެއް ތަކެތި ވަގަށް ގެންގޮސްފައިވާ ކަމަށެވެ.
ސަގާފީ ތަރިކަ ރައްކާތެރިކުރާ ގައުމީ މަރުކަޒުން އެ މައްސަލަ މިހާރު ފުލުހަށް ހުށަހަޅާފައިވާއިރު، ފުލުހުން އަންނަނީ މި މައްސަލަ ތަހުގީގު ކުރަމުންނެވެ.
ފުލުހުން ބުނެފައިވަނީ މި މައްސަލަ ފުލުހަށް ހުށަހަޅާފައިވަނި ރޭ 21:40 އެހާކަށްހާއިރު ކަމަށެވެ. އަދި މިހާތަނަށް ފުލުހުން ކުރި މަސައްކަތުން ގެއެއް ބަލައި ފާސްކޮށް ބައެއް ތަކެތި ހޯދިފައިވާ ކަމަށެވެ. އެގޮތުން ކޮމްޕިއުޓާ ސިސްޓަމްގެ ސިސްޓަމް ޔުނިޓަކާއި ކީބޯޑަކާއި މައުސް އެއް ހޯދިފައިވާ ކަމަށް މައުލޫމާތު ދެއެވެ.
advertisment