ކުރީގެ ރައީސް، ޑރ. މުހައްމަދު ވަހީދު ހަސަން މަނިކު އަނެއްކާވެސް ފުލުސް އޮފީހަށް ހާޒިރުވާން އަންގައިފިއެވެ.
ދެ ވަނަ ފަހަރަށް ރައީސް ވަހީދު ފުލުހަށް ހާޒިރާން އަންގާފައި ވަނީ މާދަމާ ހަވީރު 4:00 ޖަހާއިރު އެވެ. އެކަން އިދިކޮޅު ކޯލިޝަނުން ވަނީ ޔަގީން ކޮށްދީފަ އެވެ.
އެނގައިވާ ގޮތުގައި ޑރ. ވަހީދު ފުލުހަށް ހާޒިރު ކުރަނީ އިދިކޮޅު ފަރާތްތަކުން ބޭއްވި ސިޔާސީ ހަރަކާތަކަށްފަހު އެ ހަރަކާތުގެ ބައިވެރިންނާއި މުހާތަބުކޮށް ވާހަކަ ދެއްކެވިއިރު، އެމަނިކުފާނު އަޅުއްވައިގެން ހުންނެވި މާސްކު ތިރިކުރެއްވި މައްސަލައިގައެވެ.
މި މައްސަލައާއި ގުޅިގެން މިދިޔަ ހަފްތާގައިވެސް ޑރ. ވަހީދު ވަނީ ފުލުހުންގެ އިދާރާއަށް ހާޒިރު ކޮށްފައެވެ.