ސްޕްރީމް ކޯޓުގެ ފަނޑިޔާރުކަމަށް މިއަދު 2 ބޭފުޅަކު ރައީސް އިބްރާހިމް މުހައްމަދު ޞާލިހު އައްޔަން ކުރައްވައިފިއެވެ.
ސްޕްރީމް ކޯޓުގެ ފަނޑިޔާރުން ކަމަށް ރައީސް އައްޔަން ކުރެއްވި ދެބޭފުޅުންނަކީ އަލްއުސްތާޒް އަލީ ރަޝީދާއި އަދި ޑރ. މުހައްމަދު އިބްރާހިމް އެވެ. މި ދެފަނޑިޔާރުންނަށް މަގާމުގެ ފަތްކޮޅު ހަވާލުކުރައްވާފައިވަނީ މިއަދު ރައީސުލްޖުމްހޫރިއްޔާގެ އޮފީހުގައި ބޭއްވި ރަސްމިއްޔާތެއްގައެވެ.
އަލް އުސްތާޒް އަލީ ރަޝީދަކީ މިސްރުގެ އަލް އަޒްހަރު ޔުނިވާރސިޓީ އިން ބެޗްލާރސް އޮފް ޝަރީއާ އިން ލޯވް ފުރިހަމަ ކުރައްވައިގެން ހުންނެވި ބޭފުޅެކެވެ. މީގެ ކުރިން ކްރިމިނަލް ކޯޓުގައި ވެސް އުސްތާޒް އަލީ ރަޝީދު ވަނީ ފަނޑިޔާރުކަން ކުރައްވައިފައެވެ.
ޑރ.މުހައްމަދު އިބްރާހިމް އަކީ އިސްލާމިކް ކޮމާޝަލް ލޯވ ގެ ދާއިރާއިން ޑޮކްޓަރޭޓް ސަނަދު ހާސިލު ކުރައްވައިގެން ހުންނެވި ބޭފުޅެކެވެ. އެ ބޭފުޅާ ޑޮކްޓަރޭޓް ކަމުގެ ސަނަދު ހާސިލު ކުރެއްވީ ޔުނިވާރސިޓީ އޮފް މަލަޔާ އިންނެވެ.
advertisment