ސިޔާސީ ފައިދާއަށް އަވަށްޓެރި ގައުމުތަކާ ޖެހިގަނެ ސަރަހައްދީ ގައުމުތައް ޖައްސަން މަސައްކަތް ކުރުމަކީ ގައުމަށް ނުރައްކާވާނެ ކަމެއްކަމަށް ސިފައިންގެއަށް ގިނަ ހިދުމަތްތަކެއް ކުރެއްވި އަދި ރައްޔިތުންގެ މަޖިލީހުގެ ހިތަދޫ މެދު ދާއިރާގެ ކުރީގެ މެންބަރު އިބްރާހިމް މުހައްމަދު ދީދީ ވިދާޅުވެއްޖެއެވެ.
ބްރިގޭޑިއާ ޖެނެރަލް ރިޓަޔާޑް އިބްރާހީމް ދީދީ އެގޮތަށް ވިދާޅުވީ ރާއްޖޭގައި އިންޑިއާ ސިފައިން ތިބުމާ ދެކޮޅަށް މީސްމީޑިއާގައި ކެމްޕޭނަށް ފަށައިގެން އުޅޭ ދުވަސްވަރެއްގައެވެ.
އިބްރާހިމް ދީދީ ރޭ ކުރެއްވި ޓްވީޓެއްގައި ވިދާޅުވީ މި ޒަމާނުގައި ގައުމުތަކުގެ ސިޔާސީ މިނިވަންކަން އެއީ އެހާ ފަސޭހައިން ގެއްލޭ އެއްޗެއް ނޫން ކަމަށާއި، ސިޔާސީ ފައިދާއަށް އަވަށްޓެރި ގައުމުތަކާ ޖެހިގަނެ ސަރަހައްދީ ގައުމުތައް ޖައްސަން މަސައްކަތް ކުރުމަކީ ގައުމަށް މާ ނުކުރައްވާ ގައުމުގެ ސަލާމަތަށް މާ ނުރައްކާ ކަމެއްކަމަށެވެ.
ތަމްރީނަކަށް ބޭރުގެ ސިފައިންތަކެއް އައިސް ތިބުމާއި ރާއްޖޭގެ ސަރަހައްދުތަކެއްގައި ބޭރުގެ ސިފައިންތަކެއް ދާއިމަށް ތިބުން ވަރަށް ބޮޑަށް ތަފާތު ކަމެއް ކަމައް ގިނަ ބަޔަކު ފާހަގަ ކުރެއެެވެ. އެ ގޮތަށް ދާއިމީ ގޮތެއްގައި ސިފައިން ތިބޭނަމަ ރާއްޖޭގެ މިނިވަން ކަމަށް އަސަރު ކުރާނެ ކަމަށް ގިނަ މީހުން ބުނެފައިވެއެވެ.
advertisment