ތަންތަނަށް އެއްވާން ބޭނުން ނަމަ ކުރީގެ ރައީސް އަބްދުﷲ ޔާމީން ވިދާޅުވި ގޮތަށް ހައްޖަށް ނުދަނީ ކީއްވެތޯ ތިނަދޫ ދެކުނު ދާއިރާގެ މެމްބަރު އަބްދުﷲ ސަނީފް، އިދިކޮޅު ޕީއެންސީގެ ރައީސް އަބްދުއްރަހީމް އަބްދުﷲއާ ސުވާލު ކުރައްވައިފިއެވެ.
2018ގެ ރިޔާސީ އިންތިހާބުގެ ކެމްޕެއިން ދުވަސްވަރު މާފަންނު ސްޓޭޑިއަމް ސަރަހައްދުގައ ޕީޕީއެމުން ބޭއްވި އެއްވުމެއްގައި އޭރުގެ އިދިކޮޅު ފަރާތްތަކަށް ފާޑުވިދާޅުވަމުން ރައީސް ޔާމީން ވަނީ ތަންތަނަށް އެއްވާން ބޭނުން ނަމަ ހައްޖަށް ދިއުމަށް ގޮވާލާފައެވެ.
ރައީސް ޔާމީންގެ މިވާހަކައަށް އިޝާރާތް ކުރައްވައި ސަނީފް ކުރެއްވި ޓްވީޓެއްގައި ވަނީ އިދިކޮޅުން އިއްޔެ ބޭއްވި އެއްވުމާ ގުޅިގެން އަދުރޭ އަށް ނުހުރުހުމުގެ ބަސްތަކެއް އަމާޒު ކުރައްވާފައެވެ.
“މިއޮއްފަދަ ބޮޑު ބަލިމަޑުކަމުގެ ތެރޭގައި އަދުރޭ މިއީ މީ ރައްޔިތުންނަށް ޖެހިފަހުރި ކިހާބޮޑު ނުފޮރުއްޕާނެއްތަ، އެއްވާން ބޭނުންވަންޔާ އަދުރޭމެންގެ ރައީސް ބުނިގޮތަށް ހައްޖަށް ނުދަނީ ކީއްވެތަ؟.” ސަނީފް ވިދާޅުވިއެވެ.
މިއޮއްފަދަ ބޮޑު ބަލިމަޑުކަމުގެ ތެރޭގައި @Banafsaa މީ ރައްޔިތުންނަށް ޖެހިފަހުރި ކިހާބޮޑު ނުފޮރުއްޕާނެއްތަ، އެއްވާން ބޭނުންވަންޔާ އަދުރޭމެންގެ ރައީސް ބުނިގޮތަށް ހައްޖަށް ނުދަނީ ކީއްވެތަ؟ pic.twitter.com/SW4wtuhw1f
— Abdulla Saneef (@SaneefAbdulla) September 12, 2020
އިދިކޮޅު ކޯލިޝަންގެ ލީޑާޝިޕްގެ އިސްވެރިންނާއި ކައުންސިލް މެމްބަރުން އަދި އާންމު މެމްބަރުންވެސް ބައިވެރިވި އެ އެއްވުމަކީ، ޕީޕީއެމް އިން އިމްތިޒާމް ކުރި މުޒާހަރާއެއް ނޫން ކަމަށް ޕީޕީއެމް އިން ވަނީ ބުނެފައެވެ.
އެއްވުން ހުއްޓުވައި ހުއްޓުވައި ފުލުހުން ވަނީ 41 މީހަކު ހައްޔަރުކޮށްފައެވެ. ނަމަވެސް އޭގެ ތެރޭގައި އިދިކޮޅު ލީޑަޝީޕްގެ އިސް ބޭފުޅަކު ނުހިމެނެއެވެ.