ހދ. މަކުނުދޫއިން ފުރައިގެން އެ އަތޮޅު ކުމުންދޫ އަށް ދަތުރުކުރި “ނަމޫނާ” ނަމަކަށް ކިޔާ ސަޕްލައީ ދޯންޏެއް މަކުނުދޫ ނެރުމައްޗަށް އަރައިގެން އެމްއެންޑީއެފް އިން ހަރަކާތްތެރިވާން ފަށައިފިއެވެ.
އެމްއެންޑީފުން ބުނީ އެ ހާދިސާގެ ރިޕޯޓު ލިބިފައިވަނީ ރޭ 2:08 ހާއިރު ކަމަށާއި އެ ދޯނީގައި 8 މީހުން ދަތުރުކުރި ކަމަށެވެ. އަދި މިހާރު އެ މީހުން ވަނީ މަކުނުދޫ އަށް އަރާފައި ކަމަށް އެމްއެންޑީއެފުން ބުނެއެވެ.
މި ދޯނި ނެރުމައްޗަށް އަރާފައިވަނީ އެދޯނީގައި ހުރި ހިލައާއި ސިމެންތި އަދި ދަގަނޑު ގެ ބައެއް ތަކެތި މަކުނުދޫއަށް ބޭލުމަށް ފަހު، ނުކުންނަން އުޅުމުގެ ތެރޭގައި ކަމަށްވެސް އެމްއެންޑީއެފް އިން ބުންޏެވެ.