އަނގަ ހައްދު ޖެހުން ހުއްޓާލާފައި ނެތް ނަމަ ޖަމީލުގެ އެންމެ ދަތެއް ވެސް މިހާރު ނުހުންނާނެ: އަނދުން ހުސައިން

ރާއްޖޭގައި އަނގަ ހައްދު ޖެހުން ހުއްޓާލާފައި ނެތް ނަމަ ކުރީގެ ނައިބް ރައީސް ޑރ. މުހައްމަދު ޖަމީލު އަހުމަދުގެ އެންމެ ދަތެއް ވެސް މިހާރު ނުހުންނާނެ ކަމަށް ހެންވޭރު ދެކުނު ދާއިރާގެ މެމްބަރު ހުސައިން ޝަމީމް(އަނދުން ހުސައިން) ވިދާޅުވެއްޖެއެވެ.

އަނދުން ހުސައިން މިހެން ވިދާޅުވީ ކޮވިޑާ ގުޅިގެން ރައްޔިތުން ބަނޑަށް ޖެހި ދެކޮޅު ނުޖެހިގެން އުޅޭއިރު ވެރިން ތިބީ އެންއީއޯސީ ތެރޭގައި ބަައިއަޅަން ކަމަށް ޖަމީލު ވިދާޅުވުމާ ގުޅިގެންނެވެ.

ޖަމީލަށް ރައްދު ދެއްވަމުން އަނދުން ހުސައިން ވިދާޅުވީ ހިތާމައިގެ ކޮޅެއް ނެތް ކަމަށާއި ރާއްޖޭގައި އަނގަ ހައްދު ޖެހުން ހުއްޓާލާފައި ނެތް ނަމަ ޖަމީލުގެ އެންމެ ދަތެއް ވެސް މިހާރު ނުހުންނާނެ ކަމަށެވެ.

“ދޮގު ހަދަމުންގޮސް ކައްޒާބަށް ވެފަ މިޙާރު.” އަނދުން ހުސައިން ވިދާޅުވިއެވެ.

Hithaamaaige kolheh neh! Mi Raajjey ga anga hadhdhu jehun huhtaalaafa neiynama @MJameelAhmed ge emme dhathehves mihaaru nuhunnaane! Dhogu hadhamungos Kazzaabah vefa mihaaru! https://t.co/EZFWQAV33T

— Hussain Shaheem (@AndhunHussain) September 19, 2020

ޖަމީލު މި މަހުގެ 16 ވަނަ ދުވަހު ކުރެއްވި ޓްވީޓެއްގައި ވިދާޅުވީ ރައްޔިތުން ބަދިގެތެރެއަށް ވައްދާފައި ވެރިން ވަނީ ތިޖޫރި ތެރެއަށް ކަމަށާއި ތަރައްޤީ ވަޒަންކުރަނީ ވަޒީރުންގެ ދަތުރުތަކުންތޯ ސުވާލު ކުރައްވާފައެވެ.

“އެމްޑީޕީއަށް ތަރައްޤީ މި ކުރެވުނީ ހުސް ކޮރަޕްޝަން ނޫންތޯ؟” ޖަމީލު ވިދާޅުވިއެވެ.