މުޅި ތިލަދުންމަތީގެ ހުރީހާ އެމްޑީޕީ މެމްބަރުން ގައުމު ވިއްކާލުމުގައި ބައިވެރިވިޔަސް، ފަހު ނޭވަޔާ ޖެހެންދެން އެކަމާ ދެކޮޅަށް އަޑު އުފުލާނަން ކަމަށް ނޮޅިވަރަމް ދާއިރާގެ މެމްބަރު މުހައްމަދު ނަޝީދު އަބްދުﷲ ވިދާޅުވެއްޖެއެވެ.
ތިލަދުންމަތީގެ ބައެއް ދާއިރާތައް ތަމްސީލު ކުރައްވާ އެމްޑީޕީ މެމްބަރު އިންޑިއާ އިން ވަޑައިގަތް ބައެއް ބޭފުޅުންނާ ބައްދަލު ކުރާ ފޮޓޯއެއް ޓްވީޓު ކުރައްވައި މޮސްޓާ ކުރެއްވި ޓްވީޓެއްގައި ވިދާޅުވީ ހަމަ ޔަގީނުންވެސް މުޅި ތިލަދުންމަތީގެ އެމްޑީޕީ ހުރިހާ މެމްބަރުން، ދިވެހި މި ގައުމު އިންޑިއާއަށް ވިއްކާލުމުގެ ފިނޑި އަމަލުގައި ބައިވެރިވިޔަސް އެކަމާ ދެކޮލަށް އަޑު އުފުލަން ފަހު ނޭވާއާ ހަމައަށް ވެސް އޭނާ ހުންނަވާނެ ކަމަށެވެ.
Hama yageen ves mulhi thiladhunmathee @MDPSecretariat ge hurihaa MP gaumu India ah vikkaalumuge findi amalugai baiveri vias ekamaa dhekolhah adu ufulan fahu neyvaa aaa Hama ah ves hunaanan. #IndiaOut pic.twitter.com/bMKPySiDPK
— Mohamed Nasheed Abdulla (@MNA_MosTaaA) September 23, 2020
މޮސްޓާ ޓްވީޓު ކުރެއްވި ފޮޓޯއިން ފެނިވަޑައިގަންނަވާ އިންޑިއާ ބޭފުޅުންނަކީ ހދ. ހަނިމާދޫ އިންޓަނޭޝަނަލް އެއާޕޯޓު ތަރައްގީ ކުރުމަށްޓަކައި ސާވޭ ކުރުމުގެ މަސައްކަތް ރާއްޖެ އައި ބައެއް ކަމަށް އިންޑިއާ ހައިކޮމިޝަނުން ބުނެއެވެ.
އިންޑިއާ ހައި ކޮމިޝަނުން ބުނީ އިންޑިއާ އެއާޕޯޓް އޮތޯރިޓީގެ ޓީމެއް ހަނިމާދޫގައި މިހާރު ހަރަކާތްތެރިވަމުން ދާކަމަށެވެ. އަދި އެއާޕޯޓް ބޮޑުކުރުމުގެ މަޝްރޫއަށް ބޭނުންވާ ކަންކަން ކުރިއަށްގެންދިއުމަށް ބޭނުންވާ ސާވޭގެ މަސައްކަތްތައް އެއަރޕޯޓް ސައިޓުގައި މިހާރު ފަށާފައި ވާކަމަށެވެ.
މޮސްޓާ މިހެން ވިދާޅުވިއިރު، ‘އިންޑިއާ އައުޓު’ ގެ ނަމުގައި އިދިކޮޅު ފަރާތްތަކުންނާއި މި ސަރުކާރާ ދެކޮޅު ފަރާތްތައް އަންނަނީ އަޑު އުފުލަމުންނެވެ. އެ ފަރާތްތަކުން ތުހުމަތު ކުރަނީ ރާއްޖޭގައި އިންޑިއާ ސިފައިން ‘ހާލި’ ހަދައިގެން ތިބެ މި ގައުމުގެ މިނިވަންކަން ގެއްލުވާލުމަށް މަސައްކަތް ކުރާ ކަމަށެވެ.
One Response
ސާބަހޭ ދަރިޔާ ތިޔަ ޢަޒުމާ ހިތްވަރަށް ސެލިއުޓް ކުރަން…