ރައްޔިތުންގެ މަޖިލީހުގެ ދާންދޫ ދާއިރާގެ މެމްބަރު ޔައުގޫބު އަބްދުﷲގެ ގޮނޑި ގެއްލިފައިވާ ކަމަށް ކަނޑައަޅައި ދިނުމަށް އެދި ސުޕްރީމް ކޯޓަށް ހުށަހެޅި މައްސަލަ އެ ކޯޓުން ބަލައިގެންފި އެވެ.
ޔައުގޫބްގެ މައްސަލަ ސުޕްރީމް ކޯޓަށް ހުށަހަޅާފައިވަނީ ޗާޓަޑް އެކައުންޓެންޓުންގެ ގާނޫނުގެ ދަށުން އުފެއްދި އިންސްޓިޓިއުޓް އޮފް ޗާޓަޑް އެކައުންޓެންޓްސް އޮފް ދަ މޯލްޑިވްސް (އައިސީއޭއެމް) ގެ ކައުންސިލަށް ޔައުގޫބް އައްޔަނުކޮށް އެ މަގާމު ބަލައިގަތުމުންނެވެ. އެ މައްސަލަ ސުޕްރީމް ކޯޓަށް ހުށަހަޅާފައިވަނީ ސިވިލް ކޯޓުގެ ކުރީގެ ގާޒީ މުހައްމަދު ހަލީމް އެވެ.
ހަމީލް ކުރެއްވި ޓްވީޓެއްގައި ވިދާޅުވީ ދިވެހި އުއްމަތަށާއި ދާންދޫ ދާއިރާއަށާއި ރައީސް އިބްރާޙިމް މުހައްމަދު ސޯލިހު އަށް ނަސްރާނަސީބު އަދައި ރައްޔިތުންގެ މަޖިލީހުގެ މެމްބަރު ޔައުގޫބް އަބްދުﷲ ގެ ގޮޑިގެއްލިފައިވާކަމަށް ކަނޑައަޅައިދިނުމަށް އެދި ހުށަހެޅި މައްސަލަ ސުޕްރީމް ކޯޓަސް ބަލައިގެންފައިވާ ކަމަށެވެ.
ދިވެހި އުއްމަތަށާއި ދާންދޫ ދާއިރާއަށާއި ރައީސް @ibusolih އަށްނަސްރާނަސީބު އަދައި ރައްޔިތުންގެ މަޖިލީހުގެ މެންބަރ އޮނަރަބްލް @Yaugoob181 ގެ ގޮޑިގެއްލިފައިވާކަމަށް ކަނޑައަޅައިދިނުންއެދި @SCMaldives އަށް ހުށައެޅި މައްސަލަ ބަލައިގެންފި@Mihaarunews @sunbrk @avasmv @VaguthuOnline pic.twitter.com/6YkVWkSkl2
— Mohamed Haleem ???? (@haleembai) September 24, 2020
ގާނޫނު އަސާސީގައި ބުނާގޮތުން މަޖިލީހުގެ މެންބަރަކު މަގާމުގައި ހުރެ މުސްތަގިއްލު ކޮމިޝަނެއްގެ މެންބަރުކަން ނުވަތަ މުސްތަގިއްލު މަގާމެއް އަދާ ނުކުރެވޭނެއެވެ. ގާނޫނީ ވަކީލުން މިކަން ފާހަގަކުރަން ފެށުމާއެކު ޔައުގޫބު ވަނީ އެ ކައުންސިލުން އިސްތިއުފާ ދެއްވާފައެވެ.
ޔައުގޫބް ވިދާޅުވެފައިވާ ގޮތުގައި އެ މަގާމާ ހަވާލުވެލެއްވީ އެކަމުގައި އެއްވެސް މައްސަލައެއް ނެތް ކަމަށް ގާނޫނީ ލަފާ ލިބިވަޑައިގަތުމުން ކަމަށެވެ.