ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑް (ޕީސީބީ)ގެ ރައީސް ހަސަން ވަހީދު މަގާމުން އިސްތިއުފާ ދެއްވީ ފިނޭންސް މިނިސްޓަރޔ\ު އިބްރާހިމް އަމީރުގެ ނުފޫޒު ބޮޑުކަމުން ކަމަށް ނައިފަރު ދާއިރާގެ މެމްބަރު އަދި ޕީޕީއެމްގެ ނަައިބް ރައީސް އަހުމަދު ޝިޔާމް ވިދާޅުވެއްޖެއެވެ.
ހަސަންގެ އިސްތިއުފާއާ ގުޅިގެން ޝިޔާމް ކުރެއްވި ޓްވީޓެއްގައި ވިދާޅުވީ ދައުލަތުގެ ކުންފުނިޔަކުގެ ބެލެނިވެރޮ ފަރާތް ކަމަށްވާ ޕީސީބީގެ މެނޭޖިން ޑިރެކްޓަރު އަޔަން ކުރެއްވިތާ ކުޑަ ދުވަސްކޮޅެއްގެ ތެރޭގައި މަގާމުން އިސްތިއުފާ ދެއްވި ސަބަބެއް އެނގެން އެބަ ޖެހޭ ކަމަށެވެ.
“އަޑު އިވެނީ މިނިސްޓަރު އަމީރުގެ ނުފޫޒު ބޮޑުކަމަށް.” ޝިޔާމް ވިދާޅުވިއެވެ.
SOE thakuge beleniveri faraaiy Privatisation and Corporatization Board (PCB) ge Managing Director ayyan kurevvithaa kuda dhuvaskolhehge thereygai maqaamun isthiufa dhevvi sababeh engen eba jehey. Adu ivenee @iameeru ge nufoozu bodukamah. @ACC_Maldives
— Ahmed Shiyam (@Shiyamaldives) October 1, 2020
މިފަހުން ރައްޔިތުންގެ މަޖިލީހަށް ވަނީ ދައުލަތުގެ ކުންފުނިތަކުގައި ހިންގާ ކޮރަޕްޝަން ހުއްޓުވަން ޕީސީބީން މަސައްކަތް ނުކުރާކަމަށް ތުހުމަތުކޮށް އެ ބޯޑްގެ މައްސަލަ ބަލަން ރައްޔިތުންގެ މަޖިލީހަށް ހުށަހަޅާފައެވެ.
މައްސަލައިގައި ގިނަ ކަންތައްތަކެއް މަޖިލީހުން ބަލަން އެދިވަޑައިގެންނެެވާއިރު އޭގެތެރޭގައި އެބޯޑުން މިހައިތަނަށް ހަދާފައިވާ ގަވައިދުތައް ހަދާފައި ވަނީ ބައިނަލްއަގުވާމީ ބެސްޓްޕްރެކްޓިސްއާ އެއްގޮތަށްތޯ ބެލުމަށާއި ހަދަން ޖެހޭ ގަވައިދުތަކުގެ ތެރެއިން ނުހަދާ ހުރީ ކޮންކޮން ގަވައިދުތަކެއްތޯ ބެލުމަށާއި ޕީސީބީ އުފެއްދި ގާނޫނުގައިވާ ގޮތަށް އެބޯޑުން ސަރުކާރުގެ ކުންފުނިތައް މޮނިޓާ ކުރަމުންދޭ ތޯ ނުވަތަ ނޫންތޯ ބަލަން ވެސް ހުށަހަޅާފައިވެ އެވެ.
advertisment