ރާއްޖެ އަންނަ ޗައިނާ ފަތުރުވެރިންނަށް މަރުހަބާ ކިޔަން ތައްޔާރުވާން ޖެހޭ ކަމަށް ރައްޔިތުން މަޖިލީހުގެ މަރަދޫ ދާއިރާގެ މެންބަރު އިބްރާހިމް ޝަރީފް ވިދާޅުވެއްޖެއެވެ.
ޝަރީފް ކުރެއްވި ޓުވީޓެއްގައި ވިދާޅުވީ، ޗައިނާއަކީ ރާއްޖެ އަށް ފަތުރުވެރިންގެ ބޮޑު އިންސައްތައެއް އަންނަ ގައުމެއް ކަމަށާއި ޗައިނާ އެއީ ރާއްޖޭގެ އިގްތިސޯދު ކުރިއެރުވުމަށާއި ކޮޅަށް ޖެހުމަށް މުހިންމު ދައުރެއް އަދާ ކުރަމުން އަންނަ ގައުމެއްކަމަށެވެ.
We must prepare to welcome Chinese tourists as soon as China allows its people to travel abroad.Tourism remains the key economic driver n Chinese tourists can help reshape tourism revenue n economic recovery.
— Ibrahim Shareef (@AdduShareef) October 10, 2020
ކޮވިޑް-19 އާއި ގުޅިގެން ދުނިޔޭގެ ގިނަ ގައުމުތަކުގެ އިގްތިސޯދަށް ވަނީ ވަރަށް ބޮޑު ހީނަރުކަމެއް އައިސްފައެވެ.
ރާއްޖެއިން މިހާރު ވަނީ ބޭރުގެ އެކި ގައުމުތަކުގައި ރާއްޖޭގެ ފަތުރުވެރިކަން އިޝްތިހާރު ކުރުމުގެ ޕްރޮގްރާމްތަކެއް ފަށާފައެވެ. އަދި ބޭރުގެ ނޫސްވެރިންތައް ގެނެސްގެން ބޭރުގެ މީޑިއާތަކުގައި ރާއްޖެ އިޝްތިހާރު ކުރުމުގެ މަސައްކަތް އަލުން މޯލްޑިވްސް މާކެޓިން އެންޑް ޕީއާރް ކޯޕަރޭޝަން (އެމްއެމްޕީއާރްސީ) އިން އަންނަނީ ކުރަމުންނެވެ.