ހެލްތް މިނިސްޓަރުގެ މަގާމުގެ މަސްއޫލިއްޔަތުތަކުން ދުރުގައި ހުންނެވި ނަމަވެސް އަބްދުﷲ އަމީނަށް މުސާރަ ދެމުންދާ ކަމަށް ސަރުކާރުން ހާމަކޮށްފިއެވެ.
އަމީން އަމިއްލަ ފުޅައް މަގާމުން އެކަހެރިވެފައިވަނީ އޮޑިޓަރ ޖެނެރަލް ނެރުއްވާފައިވާ ހެލްތުގެ އޮޑިޓް ރިޕޯޓުގައި ކޮރަޕްޝަނަށް މަގުފަހިވާ ގޮތަށް ހިންގާފައިވާ ގިނަ ކަންތައްތަކެއް ފެންމަތިވުމުން މިދިޔަ އޮގަސްޓު މަހުގެ 17 ވަނަ ދުވަހުއެވެ.
ރައީސް އޮފީހުގެ ތަރުޖަމާނު އިބްރާހިމް ހޫދު ވިފާޅުވީ އަދި އަމީން މަގާމަށް އެނބުރި ރުޖޫއަކުރާނެ ކަމެއް ނުވަތަ ނޫންކަން ދަންނަވަން ނޭނގޭ ކަމަށާއި ނަމަވެސް އަމީން މަގާމުން ވަކިކުރައްވާފައި ނުވާތީ މުސާރަ ހިގާނެނކަމަށެވެ.
އަމީން މަސައްކަތުން އެކަހެރިވެވަޑައިގަތުމުން އެ މަގާމުގެ މަސްއޫލިއްޔަތު މިހާރު އަދާކުރައްވަނީ ޕްލޭނިން މިނިސްޓަރު މުހައްމަދު އަސްލަމް އެވެ.