ހެލްތު މިނިސްޓަރު އަބްދުﷲ އަމީން ވަކިކުރަން ވޯޓު ނުދިނީ ރައީސް އިބްރާހިމް މުހައްމަދު ސޯލިހު އަށް ފުރިހަމައަށް އިތުބާރު އޮތުމުން ކަމަށް މީދޫ ދާއިރާގެ އެމްޑީޕީ މެމްބަރު ރޮޒައިނާ އާދަމް ވިދާޅުވެއްޖެއެވެ.
ރޮޒައިނާ މިހެން ވިދާޅުވީ ހެލްތު މިނިސްޓަރު އަބްދުﷲ އަމީންގެ އިތުބާރު ނެތްކަމުގެ މައްސަލަ މަޖިލީހަށް ވެއްދުމަށް ސޮއިކުރި މެމްބަރުންގެ ތެރޭގައި އޭނާގެ ނަން ނުހިމެނެނީ ކީއްވެތޯ ޓްވިޓާގައި މީހަކު ސުވާލުކުރުމުންނެވެ.
އެގޮތުން ރޮޒައިނާ ވިދާޅުވީ މިއަދުގެ އެމްޑީޕީ ޕީޖީ ބައްދަލުވުމުގައި ވިދާޅުވި ފަދައިން އެ މައްސަލަ ރައީސް ސޯލިހު ނިންމަވާނެ ގޮތާމެދު ފުރިހަމައަށް އިތުބާރު އެބައޮތް ކަމަށެވެ.
“އަޅުގަނޑު ވޯޓު ދިނީ ރައީސް ސޯލިހު މިކަމުގައި ކުރިއަށް ދާން ވިސްނާފައި އޮތް ގޮތް ޕީޖީ ލީޑާޝިޕް އިން އޮޅުންފިލުވުމަށް. އެއީ އެމްޑީޕީގެ އެންމެ އިސް ލީޑަރު.” ރޮޒައިނާ ވިދާޅުވިއެވެ.
Alhugandu miadhu MDP PG ga ves bunifadhain alhugandandah furihama ah ithubaaru eba oi mi massalaiga RJ @ibusolih nimmavaany rangalhah kamah. Alhugandu vote dhinee RJ mikamuga kuriyah dhaan visnaafa oi goi PG leadership in olhunfiluvumah. Eyee MDP ge enme is leader. Basic courtesy https://t.co/cuOWsQizFU
— ???????? ???????????????????????????? ???????????????? ???? (@Roxeyna) October 20, 2020
އަމީންގެ އިތުބާރު ނެތްކަމުގެ މައްސަލަ މަޖިލީހަށް ވައްދާފައިމިވަނީ، އޭނާގެ އިތުބާރު އޮތް ކަމަށް އެމްޑީޕީގެ ޕާލަމެންޓްރީ ގްރޫޕުން ނިންމާފައިވަނިކޮށެވެ. އަމީން މަގާމުން ވަކިކުރުމުގެ މައްސަލަ މަޖިލީހަށް ވެއްދީ 24 މެމްބަރުންގެ ސޮޔާއެކުއެވެ.
އަމީންގެ އިތުބާރު ނެތްކަމުގެ މައްސަލަ މަޖިލީހަށް ވެއްދީ ކޮވިޑް-19 އާއި ގުޅިގެން ރާއްޖެއިން ބޭރުން ގެންނަން މަސައްކަތް ކުރި ވެންޓިލޭޓަރުތައް ގެނައުމުގައި ކޮރަޕްޝަން އެކުލެވޭތީއެވެ. އެގޮތުން މިކަމުގެ ޒިންމާ އަމީން ނަންގަވަންޖެހޭނެ ކަމަށާއި މިއީ ރައްޔިތުންގެ ކުރިމަތީގައި އަމީންގެ އިތުބާރު ގެއްލި، މަޖިލީހުގެ އިތުބާރު ވެސް ގެއްލިގެން ގޮސްފައިވާ ކަމެއް ކަމަށް މަޖިލީހަށް ވެއްދި މައްސަލައިގައި ބުނެފައިވެއެވެ.
advertisment