އަނދުން ހުސައިން ޣައްސާނަށް: ޒުވާނުންގެ ވާހަކަ ދައްކަން ލަދު ކޮބާ؟

ރައީސް މަޢުމޫން ޢަބްދުލް ގައްޔޫމުގެ ދަރިކަލުންް އަދި ތ.ގުރައިދޫ ދާއިރާގެ  މެމްބަރ ޣައްސާން މައުމޫނަށް، ހެންވޭރު ދެކުނު ދާއިރާގެ މެމްބަރ ޙުސައިން ޝަޙީމް (އަނދުން ހުސެން) ވަރުގަދަ ރައްދެއް ދެއްވައިފިއެވެ.

ޒުވާނުންގެ ދުވަސް ފާހަގަކުރުމާއި ގުޅޭ ގޮތުން ސަރުކާރަށް ފާޑު ވިދާޅުވެ ޣައްސާނު ކުރެއްވި ޓްވީޓެއް ރީޓްވީޓް ކުރައްވަމުން އަނދުން ހުސައިން ވަނީ ޣައްސާނުގެ ބައްޕާފުޅު، ރައީސް މައުމޫނުގެ ވެރިކަމުގައި ހިނގާދިޔަ ކަންކަމަށް ވަރަށް ބޮޑަށް ފާޑު ވިދާޅުވެފައެވެ.

ޣައްސާނުގެ ޓްވީޓްގައި ވިދާޅުވެފައިވަނީ ޒުވާން ވިސިލްބްލޯވަރުންގެ އައިޑެންޓިޓީގެ ސިއްރުކަން ހިފަހައްޓައި، އެމީހުންނަށް ރައްކާތެެރިކަން ފޯރުކޮށްދީ ޙައްޤުތައް ހޯދައިދިނުމުގައި ސަރުކާރު ފެއިލްވެފައިވާ ކަމަށެވެ. އަދި ޒުވާނުންގެ ދުވަހު ދޭ މެސެޖަކީ މީތޯ ސުވާލު ކުރައްވާފައިވެއެވެ.

Shame on you Hon. @mgmaumoon have you seen this pics. Your dad @maumoonagayoom gave the ordered to kill all these young people in jail in his presidency. So close your big ass and stay safe. https://t.co/lL2eaSKOcr pic.twitter.com/23NSH0pfe6

— Hussain Shaheem (@AndhunHussain) October 22, 2020

މި ޓްވީޓަށް ރައްދު ދެއްވަމުން އަނދުން ހުސައިން ވިދާޅުވީ، ތިވާހަކަ ދައްކަވަން ޣައްސާން ލަދުފުޅު ގަންނަވަން ޖެހިވަޑައިގަންނަވާނެ ކަމަށެވެ. އަދި ފޮޓޯ ތަކެއް ޕޯސްޓް ކުރައްވާ ، އެ ފޮޓޯތައް ފެނުނުތޯ ސުވާލުކުރައްވާފައިވެއެވެ. އަދި އެމީހުން މަރަން އޯޑަރުދެއްވީ ޣައްސާންގެ ބައްޕާފުޅުކަމަށް ވިދާޅުވެފައިވެއެވެ.

އެ ފޮޓޯތަކަކީ ރައީސް މައުމޫނުގެ ވެރިކަމުގައި އަނިޔާވެރިކޮށް މަރާލާފައިވާ ބައެއް މީހުންގެ ފޮޓޯތަކެވެ.

Is this your dad and his voice!During @maumoonagayoom presidency, Evan Naseem was brutally killed and ordered killing of several young jail mates whom raised their voice against brutality and murders in prison. Better shut your big ass and stay safe https://t.co/SP7Dv4ue98 pic.twitter.com/gYB2Jx3OXB

— Hussain Shaheem (@AndhunHussain) October 22, 2020

އެއާއެކު އަނދުން ހުސައިންގެ ތުހުމަތުތަކަކީ ދޮގު ކަމަށް ޣައްސާނުވަނީ ރައްދު ދެއްވާފައެވެ. އެގޮތުން މިއީ ޑިމޮކްރަސީގެ ޗެމްޕިއަނުންކަމަށް ދައުވާ ކުރާ އެމްޑީޕީއަށް ވެރިކަން ލިބުނު ދެވަނަ ފަހަރު ކަމަށާއި، އެ ތުހުމަތަކީ ތެދު ކަމުގައިވާނަމަ ފިޔަވަޅު ނާޅަނީ ކީއްވެތޯ ވިދާޅުވެ ޣައްސާނު ވަނީ ސުވާލު އުފައްދާފައެވެ.

އެއާއެކު އަނދުން ހުސައިން ވަނީ ޖަލުގައި އީވާން ނަސީމު މަރާލި ހާދިސާއާއި ގުޅިގެން ރައީސް މައުމޫނު ގައުމާއި މުހާތަބުކޮށް ދެއްކެވި ވާހަކަ ޓްވީޓްކޮށްފައެވެ. އަދި ޖަލުގައި އަނިޔާވެރިކޮށް މަރާލީ ރައީސް މައުމޫނާއި ދެކޮޅަށް އަޑު އުފުލި ޒުވާނުންކަމަށްވެސް ވަނީ ވިދާޅުވެފައެވެ.