ބްރޯޑްކާސްޓިން ކޮމިޝަނުގެ މެމްބަރު ކަމުން ޒީނާ ޒާހިރު އިސްތިއުފާ ދެއްވައިފި އެވެ.
ޒީނާ ވަކި ކުރުމުގެ މައްސަލަ ރައްޔިތުންގެ މަޖިލީހުގެ މިނިވަން މުއައްސަސާ ކޮމިޓީއިން ވަނީ ބަލާފަ އެވެ. މި މަހުގެ 12 ވަނަ ދުވަހު ކޮމިޓީގައި ތިއްބެވި ނުވަ މެމްބަރުންގެ ތެރެއިން ފަސް މެމްބަރުންގެ އަގުލަބިއްޔަތުން ފާސްވީ އޭނާ މަގާމުން ވަކި ކުރުމަށެވެ.
ޒީނާ އިސްތިއުފާ ދެއްވިކަން ހާމަކުރެއްވީ ރައީސް އިބްރާހިމް މުހައްމަދު ސޯލިހަށް ފޮނުއްވި ސިޓީއެއްގައި އެވެ.
ޒީނާގެ ސިޓީގައި ބުނެފައި ވަނީ ކޮމިޓީއިން ނިންމި ނިންމުމަކީ އިންސާފުވެރި ނިންނުމެއް ކަމަށް ގަބޫލު ނުކުރައްވާ ކަމަށެވެ. މަގާމުގެ މަސްއޫލިއްޔަތު ފުރިހަމައަށް އަދާ ކުރައްވާފައިވާނެ ކަމަށް ވެސް އޭނާ ވިދާޅުވި އެވެ.
ބްރޯޑްކޮމްގެ މެމްބަރުންގެ މައްސަލަތައް މަޖިލީހުގެ މިނިވަން މުވައްސަސާތަކާބެހޭ ކޮމިޓީން ބަލާފައިވާއިރު، ކުރީގެ ކޮމިޝަންގައި ހިމެނޭ މެމްބަރުންގެ ތެރެއިން ރައީސްގެ މަޤާމު ފުރުއްވި މުހައްމަދު ޝަހީބާއި ކޮމިޝަންގެ މެމްބަރު އިސްމާޢީލް ޞަފްވާނާއި ޙަސަން ނަބާޙު ވަނީ މެންބަރުކަމުން އިސްތިއުފާދެއްވާފައެވެ.
advertisment