ޕީޕީއެމްގެ ނައިބު ރައީސް އަހުމަދު ޝިޔާމް ހޮސްޕިޓަލުގައި ފަރުވާ ދިނުމަށްފަހު ގެއަށް ދޫކޮށްލައިފިއެވެ.
މިދިޔަ އަންގާރަ ދުވަހު ރައްޔިތުންގެ މަޖިލީހުގެ އިދާރާގައި ހުންނަވަނިކޮށް ހާލުކޮޅު ދެރަވުމާ ގުޅިގެން އޭޑީކޭ އެޑްމިޓްކޮށްގެން ޝިޔާމަށް ވަނީ ފަރުވާދޭން ފަށާފައެވެ.
އިދިކޮޅު ކޯލިޝަނުން ރޭ ބުނީ ޝިޔާމް އިއްޔެގެ ވަގުތެއްގައި ހޮސްޕިޓަލުން ގެއަށް ދޫކޮށްލާފައިވާ ކަމަށެވެ. އަދި ޝިޔާމްގެ ހާލުކޮޅު މިހާރު ރަނގަޅުވަމުން އަންނަ ކަމަށްވެސް ބުނެފައިވެއެވެ.