ކައުންސިލްތަކުގެ ބެލެނިވެރި ފަރާތް ލޯކަލް ގަވަމަންޓް އޮތޯރިޓީން ބަލަމުން އަންނަ މައްސަލަތަކަކާ ގުޅިގެން ހއ. އުތީމު ކައުންސިލްގެ ރައީސް ވަކި މުއްދަތެއް ނެތް ގޮތަށް އެ އިދާރާއިން ސަސްޕެންޑުކޮށްފި އެވެ.
މީގެ އިތުރުން ކުނިކަހާ ސާފު ކުރުމުގެ ބޭނުމަށް ކޮންޓެރެކްޓު އުސޫލުން ބަޔަކު ނެގުމުގައި އިންޓަވިއު ނުކުރުމާއި، ވަޒީފާއަށް އިއުލާނ ކުރުމަށްފަހު ކައުންސިލުން ބޭނުން މީހަކު އެ މަގާމަށް ނެގުން ހިމެނެއެވެ. އަދި ކައުންސިލަށް ހޯދާ ތަކެތި ގަތުމުގައި ބިޒް ޓްރެކްސް އިންޓަނޭޝަނަލް ކިޔާ ކުންފުންޏަކުން އެތަކެތި އެކި ފަހަރުމަތިން ހޯދާފައިވާ މައްސަލައެއް ވަނީ ހުށަހަޅާފައެވެ. އަބްދުﷲ ރަޝީދާއި ދެކޮޅަށް ހުށަހެޅި މައްސަލައިގައި ދެން ހިމެނެނީ، ވައްކަމުގެ މައްސަލައެއްގައި ސިވިލް ސާވިސް ވަޒީފާއިން ވަކިކޮށްފައިވާ މީހަކު އުތީމު އިމާމުންގެ ޕޫލަށް ވޭޖް އެމްޕްލޮއިމަންޓުގެ ދަށުން ނެގުމުގެ މައްސަލައެކެވެ. އަދިކައުންސިލުން ކުރަންޖެހޭ މަސައްކަތްތަކާއި ޒިންމާ އަދާ ކުރުމުގައި މާލިއްޔަތު ގަވާއިދުގައި ޕްރޮކިއުމަންޓް އުސޫލުތަކާ އެއްގޮތަށް ލިޔެކިޔުންތައް އޭނާ ފުރިހަމަ ނުކުރާކަމަށް ބުނެފައިވެއެވެ.
ރައްޔިތުން އިންތިޚާބުކޮއްފައިވާ ކައުސިލަރަކު ވަކި މުއްދަތެއް ނެތްގޮތަށް އަދި އެކަންކުރުމަށް ބާރުލިއްބައިދޭ ގާނޫނީ މާއްދާތައް ނުހިމަނުއްވާ ރަސްމީ ބަންދު ދުވަހެއްގައި ސަސްޕެންޑު ކުރެއްވުމަކީ މާޒީއަށް އިއާދަވުންކަމުގައި ނޫނީ ނުވާނެ. pic.twitter.com/Mt8n7nkqgj
— Muhuthaz Muhusin (@Muhuthaz) November 14, 2020
ކައުންސިލަށް ލިބޭ ފައިސާތަކުގެ ހިސާބާއި، އެ ރިކޯޑުތައް ބަލަހައްޓާފައި ނެތުމުގެ އިތުރުން އިދާރީ ބައެއް މައްސަލަތަކެއް ވަނީ ހުށަހަޅާފައެވެ.
މި ހުރިހާ މައްސަލައަކާއި ގުޅިގެން އެލްޖީއޭއިން ވަނީ މި މަހުގެ24 ވަނަ ދުވަހުގެ ކުރިން ޖަވާބުދާރީ ވުމުގެ ފުރުސަތު އޭނާއަށް ދީފައެވެ. ސަސްޕެންޑު ކުރި އަބްދުﷲ ރަޝީދަކީ އިދިކޮޅު ޕީޕީއެމަށް ނިސްބަތްވާ ބޭފުޅެކެވެ.
މި މައްސަލައިގައި ކުރީގެ ޕްރޮސެކިއުޓާ ޖެނެރަލް މުހުތާޒް މުހުސިން ވިދާޅުވީރައްޔިތުން އިންތިހާބުކޮއްފައި ވާ ކައުސިލަރެއް ވަކި މުއްދަތެއް ނެތް ގޮތަށް ސަސްޕެންޑު ކުރުމަކީ މާޒީ އަލުން އިޔާދަވުން ކަމަށެވެ. މުހުތާޒް ވަނީ، ކައުންސިލަރެއް ސަސްޕެންޑު ކުރުމަށް ބާރުލިބިދޭ އެއްވެސް ގާނޫނީ މާއްދާއެއް ސިޓީގައި ހިމަނާފައި ވެސް ނެތް ކަމަށެވެ. އަދި މި ސިޓީ އުތީމު ކައުންސިލްގެ ރައީސްއަށް ފޮނުވާފައިވަނީ ރަސްމީ ބަންދު ދުވަހެއްގައި ކަން ވެސް މުހުތާޒް ވަނީ ފާހަގަ ކުރައްވާފައެވެ.
ކުރީގައި ކައުންސިލަރުން ސަސްޕެންޑު ކުރަމުން އައި އުސޫލު ހައިކޯޓުންވަނީ ބާތިލުކުރައްވާފައި. އިދާރީ ދާއިރާތައް ލާމަރުކަޒީ އުޞޫލުން ހިންގުން ކަށަވަރުކުރުމުގެ ޚާއްޞަ ޤާނޫނުގެ 8 ވަނަ މާއްދާގެ (ނ) އަށް ވެސް LGA ގެ މިނިންމުން ފެތޭކަމަށް ދެންނެވޭކަށެއްނެތް. https://t.co/itZZJYP91a pic.twitter.com/sGRr42TSki
— Muhuthaz Muhusin (@Muhuthaz) November 14, 2020
މުހުތާޒް ވިދާޅުވީ ކައުންސިލަރުންނަށް ވެސް ބޭނުންހާ ގޮތަކަށް މަސައްކަތް ކުރުމުގެ އެއްވެސް ބާރެއް ނޯންނާނެ ކަމަށެވެ. އެހެން ނަމަވެސް އެފަދަ މައްސަލައެއް ފެންމަތިވުމުން ފިޔަވަޅު އަޅަން ޖެހޭނީ ގާނޫނީ ނިޒާމުތަކުގެ ތެރޭގައި އެކަށައެޅިފައިވާ އުސޫލުތަކާއި އެއްގޮތަށްކަން މުހުތާޒް ފާހަގަ ކުރެއްވިއެވެ.