ނެޝަނަލް ސެންޓަރ ފޮ ދި އާޓްސް އިން މި އަހަރުވެސް ދިވެހި ފަންނާނުންގެ މިއުޒިކީ އީދު ޝޯވ ބޭއްވުމަށް ނިންމާފައިވާ ކަން އިއުލާނު ކޮށްފިއެވެ.
ނެޝަނަލް ސެންޓަރ ފޮ ދި އާޓްސް އިން ކުރި އިއުލާނެއްގައި ބުނެފައި ވަނީ، ކުރީ އަހަރުތަކާ ހިލާފަށް މި އަހަރު ކޮވިޑް-19 އާއި ގުޅިގެން މުޖުތަމައުގެ ސަލާމަތާ ރައްކާތެރިކަމަށްޓަކައި ގައިދުރުކުރުން މުހިންމުވެފައިވާތީ މިއަހަރު މި ޝޯވ ގެނެސްދިނުމަށް ރާވާފައިވަނީ މިއުޒިޝަނުންގެ ހުށަހެޅުންތަށް ލައިވްކޮށް ވީޑިއޯ އަދި އޯޑިއޯ ރެކޯޑުކުރުމަށްފަހު ބްރޯޑުކާސްޓު އަދި އޮންލައިން ސްޓްރީމިން މެދުވެރިކޮށް ކަަމަށެވެ.
މި ސޯވ އަކީ އާންމުންގެ ބޮޑު މަގުބޫލުކަމެއް ލިބިފައިވާ ޝޯވް އެކެވެ.