ކުރީގެ ރައީސް އަބްދުލްﷲ ޔާމީން އަބްދުލްގައްޔޫމް ގެ ވެރިކަން ވެއްޓިގެންދިޔަ އެއް ސަބަބަކީ މަސްވެރިން ހިތްހަމަނުޖެހުން ކަމަށް ރައްޔިތުން މަޖިލީހުގެ މަހިބަދޫ ދާއިރާގެ މެންބަރު އަހުމަދު ތޯރިގު ވިދާޅުވެއްޖެއެވެ.
މަޖިލީހަށް ހުށަހަޅާފައިވާ ބަޖެޓަށް ބަހުސް ކުރައްވަމުން ތޯރިގު ވިދާޅުވީ މަސްވެރިން ރުޅި އަރުވާފައި، މަސްވެރިން ހިތްހަމަނުޖެހޭ ގޮތަށް ކަންތައް ކޮށްފައި ވެރިކަމަށް އަންނަން އުދަގޫވާނެކަަށެވެ.
“ރައީސް ޔާމީންގެ ވެރިކަން ވެއްޓިގެންދިޔަ އެއް ސަބަބަކީ މަސްވެރިން ހިތްހަމަނުޖެހުން” ތޯރިގު ވިދާޅުވިއެވެ.
އަދި މި ސަރުކާރުގައި ކަންކަން ކުރަމުންދާ ގޮތުން މަސްވެރިކަމުގެ ސިނާއަތުން ނުސީދާ ގޮތެއްގައި 80،000 މީހުންނަށް ފައިދާ ލިބޭ ކަމަށް ތޯރިގު ވިދާޅުވިއެވެ.
އިތުރަށްށ ތޯރިގު ވިދާޅުވީ ލޯކަލް ކައުންސިލް އިންތިހާބާއި ދިމާކޮށް ބަޖެޓުގައި މޮޅެތި އަދަދުތައް ޖެހި ނަމަވެސް އެކަންކަން ނުވާނެކަމަށާއި ރައީސް ސޯލިހަށް ދެވަނަ ދައުރެއް ލިބުމަކީ މުސްތަހީލު ކަމެއް ކަމަށެވެ.