ރާއްޖޭގައި ތިބި އިންޑިއާ ސިފައިންގެ އަދަދު ޑިފެންސް މިނިސްޓްރީން ހާމަ ނުކުރި މައްސަލަ ހައި ކޯޓަށް ހުށަހަޅައިފިއެވެ.
“ދިޔަރެސް” ނޫހުން ވަނީ ރާއްޖޭގައި ތިބި އިންޑިއާ ސިފައިންގެ އަދަދާއި، އެމީހުންނަށް ކުރާ ހަރަދު ތަފްސީލު ހޯދުމަށް ޑިފެންސް މިނިސްޓްރީއަށް ހުށަހަޅާފައެވެ.
ނަމަވެސް ޑިފެންސް މިނިސްޓްރީން ވަނީ ރާއްޖޭގެ ސަލާމަތަށް ނުރައްކާވެދާނެ މައުލޫމާތެއް ކަމަށް ބުނެ މައުލޫމާތު އެނޫހަށް ނުދީފައެވެ.
މި މައްސަލަ އިންފޮމޭޝަން ކަމިޝްނާސް އޮފީސް( އައިކޮމް) އަށް ހުށަހެޅުމުން އެއޮފީހުން ވަނީ ޑިފެންސް މިނިސްޓްރީ ވާހަކަތައަށް ތާއީދުކޮށްށ އެމައުލޫމާތު ދޭން ނުޖެހޭނެކަމަށް ނިންމާފައެވެ.
“ދިޔަރެސް” ނޫހުގެ ފަރާތުން މި މައްސަލަ އިސްތިއުނާފުކޮށްފައިވާއިރު، މިއީ ޤައުމީ ސަލާމަތަށް ނުރައްކާވެދާނެ ކަމުގައި ބުނެ މައުލޫމާތެއް ހާމަކުރަންނުޖެހޭ ކަމުގައި ނިންމައިގެން ހައިކޯޓަށް ހުށަހަޅާ ފުރަތަމަ މައްސަލައެވެ.
މި މައްސަލާގައި “ދިޔަރެސް”ގެ ވަކީލަކީ ސިވިލް ކޯޓުގެ ކުރީގެ ޤާޟީ އަދި ކުރީގެ ޑެޕިއުޓީ ޕްރޮސެކިއުޓާ ޖެނެރަލް އަލްއުސްތާޛާ މަރިޔަމް ނިހާޔަތެވެ.