ރިސޯޓެއްގެ ގޮތުގައި ތަރައްޤީ ކުރަމުންދާ ރަށެއް ކަމަށްވާ، ކ.ރަށް ފަޅު ހުރާގައި މަސައްކަތް ކުރަމުންދިޔަ ބިދޭސީންތަކެއް މާރާމާރީ ހިންގައިފިއެވެ.
ފުލުހުންގެ މީޑިއާ އޮފިޝަލު ވިދާޅުވީ ރިސޯޓެއްގެ ގޮތުގައި ތަރައްގީ ކުރަމުން އަންނަ ކ.ރަށްފަޅުހުރާ 4 ގައި މަސައްކަތް ކުރާ ބިދޭސީ މަސައްކަތްތެރިންގެ މެދުގައި ހަމަނުޖެހުމެއް ހިނގައިފައިވާ ކަމުގައި މައުލޫމާތު މިއަދު 13:20 ގައި ފުލުހުންނަށް ހުށަހެޅިފައިވާ ކަމަށެވެ.
މަޢުލޫމާތު ލިބިފައިވާ ގޮތުގައި މާރާމާރީ ހިންގާފައިވަނީ، ބަގްލަދޭޝް ބަޔަކާއި ސްރީލަންކާ ބަޔަކާ ދެމެދުއެވެ.
އަދި މި ކަމާ ގުޅިގެން ބަލަން ޖެހޭ ކަންކަން ފުލުހުން ބަލަމުން އަންނަ ކަމުގައި ވެސް ފުލުހުން ވިދާޅުވިއެވެ.