ގއ. ދާންދޫގައި އުމުރުން ތިން އަހަރުގެ ކުޑަ ކުއްޖެއް ގައިގަ ސައިކަލުން ޖެހި ނުރައްކާތެރި އެކްސިޑެންޓެއް ހިނގައިފިއެވެ.
ފުލުހުންގެ މީޑިއާ އޮފިޝަލަކު ވިދާޅުވީ ދާންދޫގައި ދުއްވާފައި ދިޔަ ސައިކަލަކުން ތިން އަހަރުގެ ކުއްޖެއްގެ ގައިގައި ޖެހި 18:10 ހާއިރު އެކްސިޑެންޓެއް ވެފައިވާ ކަމަށް ފުލުހުންނަށް މައްސަލަ ހުށަހަޅާފައިވާ ކަމަށެވެ.
މިއެކްސިޑެންޓުގައި ސައިކަލުން ޖެހުނު ކުޑަ ކުއްޖާއަށް ސީރިއަސް އަނިޔާތަކެއް ލިބުމާއި ގުޅިގެން ގއ. ވިލިނގިލީ ހޮސްޕިޓަލުގައި އެކުއްޖާއަށް ފަރުވާ ދެމުންދާ ކަމަށް ވެސް ފުލުހުން މައުލޫމާތު ދެއްވާފައިވެއެވެ.
އެކްސިޑެންޓުވި ސައިކަލު ދުއްވާފައިވަނީ އުޅަނދު ދުއްވުމުގެ ލައިސެންސް ނެތް މީހެއް ކަމަށް ވެސް ފުލުހުން ވިދާޅުވިއެވެ.
މިމައްސަލަ ފުލުހުން އަންނަނީ އިތުރަށް ތަހުގީގު ކުރަމުންނެވެ.
advertisment