މި ގައުމުގެ ދީނީ އެއްބައިވަންތަކަން ނަގާލަން ދައުލަތުގެ އިސްވެރިން ފާޅުކަން ބޮޑު ގޮތެއްގައި މަސައްކަތް ކުރުމަކީ ބިރުވެރިކަމެއް ކަމަށް ނައިފަރު ދާއިރާގެ މެމްބަރު އަދި ޕީޕީއެމްގެ ނައިބް ރައީސް އަހުމަދު ޝިޔާމް ވިދާޅުވެއްޖެއެވެ.
މީގެ 16 އަހަރު ކުރިން ރާއްޖެއާއެކު ދުނިޔޭގެ ގިނަ ގައުމުތަކަށް ކުރިމަތިވި ސުނާމީ ކާރިސާއާ ގުޅިގެން މިއަދު ފާހަގަކުރާ، ގައުމީ އެއްބައިވަންތަކަމުގެ ދުވަހުގެ މުނާސަބަތުގައި ޝިޔާމް ކުރެއްވި ޓްވީޓެއްގައި ވިދާޅުވީ ސުނާމީ އަކީ ގިނަ ފިލާވަޅުތަކެއް ނަގައިދިން ކާރިސާއެއް ކަމަށާއި އޭގެ 16 އަހަރު ފަހުން މިއަދު މުޖްތަމައުން ފެންނަ މަންޒަރު ތަފާތު ކަމަށެވެ.
“އެއްބައިވަންތަކަމުގެ އެންމެ މުގައްދިސް ކަމަކީ ދީނީ އެއްބައިވަންތަކަމަށްވީ ހިނދު، އެއްބައިވަންތަކަން ނަގާލަން ދައުލަތުގެ އިސްވެރިން ފާޅުކަން ބޮޑުކޮށް މަސައްކަތް ކުރުމަކީ ބިރުވެރިކަމެއް.” ޝިޔާމް ވިދާޅުވިއެވެ.
Tsunami akee gina filavalhuthakeh nagaidhin kaarisa eh.16 aharu fahun miadhu mujthama'un fenna manzaru thafath. Ebbaivanthakamuge emme muqaddhas kamakee dheenee ebbaivanthakamahvee hindhu ebbaivanthakan nagalan dhaulathuge isverin faalhukanbodukoh massakkai kurumee biruverikameh.
— Ahmed Shiyam (@Shiyamaldives) December 26, 2020
ދިވެހިރާއްޖޭގެ އެއްބައިވަންތަކަމުގެ ދުވަހުގެ ގޮތުގައި ފާހަގަކުރަނީ 2004 ވަނަ އަހަރުގެ ޑިސެންބަރު މަހުގެ 26 ވަނަ ދުވަހުގައި އެރި ސުނާމީގެ ހަދާންތަކާ ގުޅުވައިގެން 26 ޑިސެންބަރު ދުވަހެވެ. ސުނާމީގައި ރާއްޖެއަށް ގިނަ ގެއްލުންތަކެއްވިއިރު، ގެއްލުން ލިބުނު ޢާއިލާތަަކަށް އެހީތެރިކަން ފޯރުކޮށްދިނުމުގައި ރައްޔިތުންވަނީ އެކުވެރިކަމާއި ލޯބީގެ ނަމޫނާއެއް ދައްކުވައިދީފައެވެ.
advertisment