އިންޑިއާއިން ރާއްޖެއައި މީހަކު އެތެރެކުރި ކެނަބިހާއި ހަޝިޝް އޮއިލްތަކެއް އަތުލައިގެންފިއެވެ.
ކަސްޓަމްސްއިން ބުނީ މި މިހާއަކީ މިމަހުގެ 23 ވަނަދުވަހު ރާއްޖެ އެތެރެވި އުމުރުން 27 އަހަރުގެ އިންޑިއާ ފިރިހެނެއްކަމަށެވެ.
ކަސްޓަމްސް އިން ބުނީ އެމީހާގެ އަމަލުތައް ހުރި ގޮތުން ޝައްކުކުރެވިގެން އޭނާގެ ލަގޭޖް ބަލާ ފާސްކުރިއިރު މަސްތުވާތަކެތި ފެނިފައިވާކަމަށެވެ. މިގޮތުން އޭނާގެ ލަގޭޖުން ފެނުނު ހިކިފަތްތަކެއް ޓެސްޓްކުރުމުން އެއީ ކެނަބިސްކަން ތަހުލީލުތަކުން ދައްކާފައިވާކަމަށެވެ. އަދި އޭނާގެ ލަގޭޖް އިތުރަށް ބަލާ ފާސްކުރިއިރު ހަޝިޝް އޮއިލް ފެނިފައިވާކަމަށްވެސް ކަސްޓަމްސްއިން ބުނެއެވެ.
މިތަކެތީގެ ބަރުދަނުގައި 36 ގްރާމް ހުރިއިރު މިތަކެތީގެ މަގުމަތީ އަގު ހަތްހާސް ހަތްސަތޭކަ ރުފިޔާއަށް އަރާނެކަމަށްވެސް ކަސްޓަމްސް އިން ބުނެއެވެ
މި މައްސަލަ އިތުރަށް ތަހުޤީގުކުރުމަށް މި މީހާއާއި އޭނާ އެތެރެކުރި ތަކެތި ފުލުހުންނާއި ހަވާލުކޮށްފައިވާކަމަށްވެސް ކަސްޓަމްސް އިން ބުނެއެވެ.