ރުގުޔާގެ ނަމުގައި އަންހެނަކާއި އޭނާގެ ތިން ދަރިންނަށް ޖިންސީ ގޯނާކުރި މައްސަލައިގައި ދެ މީހަކަށް ދައުވާކޮށްފިއެވެ.
މި މައްސަލައިގެ ތަހުގީގު ނިންމައި އެ ދެ މީހުންނަށް ދައުވާކޮށްދޭން ފުލުހުން ޕީޖީ އޮފީހަށް ފޮނުވީ މިދިޔަ ހަފްތާގެ ތެރޭގައެވެ.
ޕީޖީ ހުސެއިން ޝަމީމު ވިދާޅުވީ ރ. ދުވާފަރުގައި ރުޤްޔާ ކުރުމޭ ކިޔައިގެން ކުރީ ޖިސްމާނީ އަދި ޖިންސީ އަނިޔާ ކަމަށެވެ. އެގޮތުން ރުހުމާނުލައި ގަޔަށް އަތްލައިގެން “ފަރުވާ” ކުރުމަކީ ދީން ވެސް ޤާނޫނުން ވެސް ދަންނަ ކަމެއް ނޫން ކަމަށް ޕީޖީ ވިދާޅުވިއެވެ.
“މިމައްސަލައިގައި ޖިންސީ ކުށުގެ ޤާނޫނާއި ކުޑަކުދިންނަށް ޖިންސީ ގޯނާ ކުރުމުގެ ޤާނޫނުގެ ދަށުން ދަޢުވާ ކޮށްފިން” ޕީޖީ ވިދާޅުވިއެވެ.
މި މައްސަލައިގައި ހައްޔަރުކުރީ 24 އަހަރުގެ ފިރިހެނަކާއި އެ އަމަލު ހިންގުމަށް ހިތްވަރުދީ ބައިވެރިވި 39 އަހަރުގެ ފިރިހެނެކެވެ.