އަމިއްލަ އަށް އިސްތިއުފާ ދިނުމަކީ “ބަޣާވާތެއް” ނޫންކަމަށް ވިދާޅުވެ، ދީނީ އިލްމުވެރިޔާގެ ޑރ.މުހައްމަދު އިޔާޒުގެ ބަހުގެ ހަމަލާތަކެއް ރައީސް މުހައްމަދު ނަޝީދަށް އަމާޒުވެއްޖެއެވެ.
އެސިސްޓެންޓް ކަމިޝަނާ އޮފް ޕޮލިސްގެ މަޤާމުގައި ހުންނެވި އަބްދުﷲ ފައިރޫޝް ފުލުހުންގެ ވަޒީފާއިން ރިޓަޔާ ކުރެއްވުމުން އޭނާއަށް ތައުރީފު ކުރައްވައި ދެއްކެވި ވާހަތަކާ ގުޅިގެން ކަމިޝަނާ އޮފް ޕޮލިސް މުހައްމަދު ހަމީދަށް އެމްޑީޕީގެ އިސްސަފުގެ ބައެއް ބޭފުޅުންގެ ނުރުހުމުގެ ބަސްތައް ވަނީ އަމާޒުވެފައެވެ.
ސީޕީ ހަމީދުގެ ޓްވީޓަށް ރައްދު ދެއްވަމުން ދާންދޫ ދާއިރާގެ މެމްބަރު ޔައުޤޫބް އަބްދުﷲ ވިދާޅުވީ ސީޕީގެ ވާހަތަކުން 7 ފެބްރުއަރީގައި ހިނގައިދިޔައީ ބަޣާވާތެއް ނޫންކަމަށް ސިފަވާކަމާށެވެ. ނަމަވެސް ސީޕީގެ ވާހަކަތަކަކީ ދިވެހިންނަށް ބަލައި ގަންނަން އުދަނގޫ ވާހަތަކެއްކަމަށް ޔައުގޫބް ވިދާޅުވިއެވެ.
ރައީސް ނަޝީދު އިސްތިއުފާ ދެއްވީ މަޖުބޫރު ވެގެން ކަމަށް ބުނާތީ އިޔާޒް ވިދާޅުވީ “ތެޔޮ ބިޑި”އެއް ނުލިބިގެން ވާމަޖުބޫރުގެ ސަބަބުން އިސްތިއުފާ ދިނުމަކުން ބަޣާވާތަކަށް ނުވާނެ ކަމަށެވެ.
"Majbooru" is kuruvi gotheh ves onnan jehey. "theyo bidi" eh nulibigen vaa majbooreh ge sababun isthiufa dhinumakun "baghaavaathakah" nuvaane.
— Dr.Mohamed Iyaz (@dr_iyaz) January 3, 2021
އިޔާޒް މިފަދައިން ވިދާޅުވާއިރު، ފައިރޫޝް ރިޓަޔާ ކުރެއްވުމާ ގުޅިގެން އެމްޑީޕީގެ އިސް މެމްބަރުންގެ ބަހުގެ ހަމަލާތަކެއް އޭނާއަށް ވަނީ އަމާޒުވެފައެވެ.