ކުރެއްދޫން ކޮވިޑްއަށް ޝައްކު ކުރެވުނު މީހާގެ މައުލޫމާތު ކަމާ ބެހޭ އިދާރާތަކާ ހިއްސާނުކުރި މައްސަލާގައި ދައުވާ ނުކުރަން ޕްރޮސެކިޔުޓާ ޖެނެރަލްގެ އޮފީހުން ނިންމައިފިއެވެ.
މިގޮތަށް ނިންމާފައިވަނީ އެ މައްސަލާގައި، ހެލްތު ޕްރޮޓެކްޝަން އެޖެންސީ އިން ގަވައިދުން ފޮނުވަންޖެހޭ ބައެއް މައުލޫމާތު އެކަމަށް ކަނޑައަޅާފައިވާ ވަގުތުތަކުގައި ފޮނުވާފައިވާކަން ނުވަތަ ނޫންކަން އަދި އެއާ ގުޅުންހުރި ބައެއް ކަންތައް ސާފުވެފައި ނުވާތީ އެވެ.
ރާއްޖެއިން އެންމެ ފުރަތަމަ ކޮވިޑް-19ގެ ކޭސްތައް ފެނުނީ މިދިޔަ މާޗް މަހުގެ ހަތް ވަނަ ދުވަހު, ކުރެއްދޫ ރިސޯޓުންނެވެ.
ކޮވިޑަށް އެމީހުން ޕޮޒިޓިވްވިކަން އެނގިހުރެ ފުރުވާލިކަމުގެ ތުުހުމަތުގައި ފުލުހުން އެ މައްސަލަ ތަހުގީގު ކުރިއެވެ.
advertisment