ދައުރުން ބޭރުން މިމަހު 13 ވަނަ ދުވަހު ރައްޔިތުންގެ މަޖިލީހުގެޖަލްސާއެއް ބާއްވަން އެޖެންޑާ ކޮށްފި އެވެ.
ޖަލްސާ އެޖެންޑާ ކޮށްފައިވަނީ ލޯކަލް ކައުންސިލު އިންތިހާބު ނުބޭއްވި ލަސްވަމުން ދާތީ އިންތިހާބު ބޭއްވޭނޭ ގޮތް ހެދުމަށް ގާނޫނަށް ހުށަހަޅާފައިވާ އިސްލާހު ތަކުގެ މަސައްކަތް ކުރުމަށެވެ.
ކައުންސިލް އިންތިހާބު ބާއްވާނެ ތާރީހެއް ކަނޑައެޅުމުގެ ބާރު އިލެކްޝަންސް ކޮމިޝަނަށް ދޭ ގޮތަށް އިސްލާހުކުރަންވެސް ވަނީ ހުށަހަޅާފަ އެވެ.
ޖަލްސާ ބާއްވަން އެޖެންޑާ ކޮށްފައިވަނީ މިމަހު 13 ވަނަ ދުވަހުގެ ރޭ 8:30 ގަ އެވެ.