ދިވެހި ރާއްޖެއިން އިގްތިސާދީ ހީނަރުކަމުން އަރައިގަތުމަށް ކުރާ މަސައްކަތުގައި، ޗައިނާ ކުންފުނިތަކުގެ އެހީތެރިކަން ލިބޭނެކަމަށް ރާއްޖޭގައި ހުންނަވާ އެ ގައުމުގެ ސަފީރު ޒަންގް ލިޒޯން ވިދާޅުވެއްޖެއެވެ.
ވެލާނާ އިންޓަރނޭޝަނަލް އެއާޕޯޓަށް ރައީސުލްޖުމްހޫރިއްޔާ އިބްރާހިމް މުހައްމަދު ސޯލިހު ބުރާސްފަތި ދުވަހު، ކުރެއްވި ޒިޔާރަތުގައި އެއާޕޯޓުގައި ހިނގާ މަޝްރޫއުތަކުގެ އެންމެ ފަހުގެ މައުލޫމާތު ހޯއްދަވައި އެ މަސައްކަތްތައް ކުރިއަށްދާގޮތް އެމަނިކުފާނު ވަނީ ބައްލަވާލައްވާފައެވެ. ވީއައިއޭގައި ޗައިނާގެ ކުންފުނިތަކުން ކުރަމުންދާ މަސައްކަތްތަކާއި ގުޅޭ މައުލޫމާތު ރާއްޖޭގައި ހުންނަވާ ޗައިނާ ސަފީރު ވަނީ ރައީސް ސޯލިހާއި ހިއްސާ ކުރައްވާފައެވެ.
މަަސައްކަތް ކުރިޔަށް ދާ ގޮތް ބައްލަވާލެއްވުމަށްފަހު ރައީސް ސޯލިހު ކުރައްވާފައިވާ ޓްވީޓު، ރީ ޓްވީޓު ކުރައްވައި ސަފީރު ވަނީ ރާއްޖެއިން އެ ގައުމުގެ މަޝްރޫތައް ކުރިޔަށް ގެންދިއުމުގައި ދެމުންދާ އެއްބާރުލުން ފާހަގަކުރައްވާ އެކަމަށް ޝުކުރު އަދާކުރައްވާފައެވެ. ސަފީރު ވަނީ ޗައިނާގެ ބީޔޫސީޖީ އާއި އެ ގައުމުގެ އެހެން ކުންފުނިތަކުން ރާއްޖޭގައި ކުރިއަށް ގެންދާ މަޝްރޫއުތަކުގެ މަސައްކަތް މި އަހަރު އަލުން ފަށާފައިވާ ކަން ފާހަގަކުރައްވާފައެވެ.
Thanks to the coordination from the Maldives side, BUCG and other Chinese companies have spared no effort to move forward the resumption of work in time of difficulties, contributing to the economic recovery in Maldives. https://t.co/XnjIAlhrFA pic.twitter.com/kowzbuzFiJ
— Amb. Zhang Lizhong (@AmbassadorZhang) January 15, 2021
މި މަަސައްކަތް ފެށުނީ ރާއްޖޭގެ އެއްބާރުލުމާއެކީ ކަމަށާއި، ކޮވިޑު-19 ގެ ސަބަބުން ގައުމުގެ އިގްތިސޯދަށް ދިމާވި ހީނަރުކަމުން އަރައިގަތުމަށް ޗައިނާ އަބަދުވެސް އެހީވާނެ ކަމަށް ސަފީރު ވަނީ ވިދާޅުވެފައެވެ.
ރައީސް ސޯލިހު ވަނީ ވީއައިއޭއަށް ކުރެއްވި ޒިޔާރަތުގައި އެއަޕޯޓުގެ ފިއުލް ފާމް އާއި، ކާގޯ ޓާމިނަލް އަދި ކާގޯ ޖެޓީގެ އިތުރުން އޭޕްރަން އަދި ވީއަރައއަދި ކުރިއަށްދާ މަސައްކަތްތަކުގެ އެންމެ ފަހުގެ މަޢުލޫމާތުވެސް އޮޅުންފިލުއްވާފައެވެ. ރައީސް ވަނީ މި މަޝްރޫއުތަކުގެ މިހާރު ނުނިމު ހުރި މަސައްކަތްތަކުގެ ތަފްސީލު ވެސް ބައްލަވާލައްވާފައެވެ.
advertisment