ކުރިއަށް އޮތް ލޯކަލް ކައުންސިލް އިންތިހާބުގައި ކެންޑިޑޭޓުން އިހްތިޔާރުކުރުމުގައި ރައްޔިތުން ފުންކޮށް ވިސްނުމަށް މަޝްހޫރު ދީނީ އިލްމުވެރިޔާ އަދި އަދާލަތު ޕާޓީއަށް ނިސްބަތްވާ ޝެއިލް އިލްޔާސް ހުސައިން ގޮވާލައްވައިފިއެވެ.
އިލްޔާސް ކުރެއްވި ޓްވީޓެއްގައި ވިދާޅުވީ ފާއިތުވިތަނުން އިބްރަތް ހާސިލްކޮށް ކުރިއަށް އޮތް ލޯކަލް ކައުންސިލް އިންތިހާބުގައި ކެންޑިޑޭޓުން އިހްތިޔާރު ކުރުމުގައި ރައްޔިތުން މިހާރަށްވުރެ ފުންކޮށް ވިސްނާވަޑައިގަތުމަށް އިލްތިމާސް ކުރާ ކަމަށެވެ.
Faaithuve dhiya thanun iburah haasil koh kuriyah oi local council inthikhabugai candidate in ikhthiyaru kurevvumugai rayyithun mihaarah vure funkoh visna vadaigathumah ilthimas kuran
— Ilyas Hussain (@shkilyas) January 17, 2021
އިލްޔާސް މިހެން ވިދާޅުވިއިރު، ފަހަކަށް އައިސް އޭނާ އަންނަނީ ވެރިކަން ކުރާ އެމްޑީޕީން އިސްލާމް ދީނާ މެދު ގެންގުޅޭ ސިޔާސަތުތަކަށް ފާޑުވިދާޅުވަމުންނެވެ.
އެގޮތުން މީހުން ދިރިއުޅޭ ރަށްރަށަަށް ޒިޔާރަތްކުރާ ފަތުރުވެރިންނަށް ރާ ވިއްކޭނެ ގޮތް ހަދަން ޖެހޭ ކަމަށް އެމްޑީޕީއަށް ނިސްބަތްވާ ރައްޔިތުންގެ މަޖިލީހުގެ ތޮއްޑޫ ދާއިރާގެ މެންބަރު ޙަސަން ޝިޔާން ވިދާޅުވެ ދެއްކެވި ވާހަތަކާއި ގުޅިގެން ޝައިޚް އިލްޔާސް ވަނީ ރައްޔިތުން ނޫނެކޭ ބުނެފައިވާ ކަންކަން އަލުން ގެނައުމަށް މަސައްކަތް ކުރުމަކީ ރައްޔިތުންގެ ނިންމުންތަކުގައި ކޮޅުފައިން ޖެހުންކަމަށް ވިދާޅުވެފައެވެ.
advertisment
2 Responses
ކޮންމެ އިންތިހާބަކާ ދިމާ ކޮއް އިލިޔާސް ތިޔަހެން ބުނާނެ މި ސަރުކާރުން ރައްޔިތުންގެ ބައިތުލްމާލު އިން ބޮޑު ތަނުން ވައްކަން ކުރާއިރު އަދި މިސްކިތުގަ ހުރި ދިވެހި މުސްލިމަކަށް ހަމަލާ ދިން އިރު އިލިޔާސް އަށް ނުކެރުނު ޓުވީޓެއް ކޮށްލަން މިހާރު އިލިޔާސް ވަނީ ރައްޔިތުންގެ ކުރިމަތީ ފެއިލްވެފަ
އެހެންވެ ޖަލުގައޮތް ތިމާމެންގެ މީހާ ޖަލުން ނެރެންވެގެންނު އަމިއްލަ އެދުމުގަ މިއޮތީ ވިސްނާފައެއްނޫންތޯ ދީނާ ޤައުމު ގުރުބާން ކޮށްފައި. ހަމަ އާންމު ރައްޔިތު މީހާއެކޭ ކިޔަވައިގެން ތިބޭ މިފަދަ މީހުންނެކޭ މިވަނީ އެއްވަރު. މިމީހުން އަދި ކަންތައް ބޮޑުކޮށް މިފެންނަނީ. އެކަމަށް ކެންޕޭނުވެސް ކުރަނީ. ނިކަމެތި ރައްޔިތު މީހާ ވިއްޔާ އަމިއްލަ މަސްލަހަތައް ވޯޓުގަނޑެއް ލާފައި ނިންމާލާނެ.