ފ.ނިލަންދޫ ގޭބިސީތަކުގެ ވަޅު ފެނުގައި ތެލުގެ އަސަރު ހުރިތޯ ބެލުމުގެ މަސައްކަތް ފަށައިފިއެވެ.
ނިލަންދޫ ކައުންސިލުން ބުނީ މިދިޔަ ހޮނިހިރު ދުވަހު އެ ރަށު އައްޑަނަ ރައްޔިތުންގެ ތެޔޮ ސެންޓަރު ހިމެނޭ ސަރަހައްދަށް ޑީސެލް ލީކުވެ ބިމަށް ހިދިފައިވާ ކަމަށް ފާހަގަކުރެވިފައިވާ ކަމަށެވެ.
ކައުންސިލުން މިއަދު ބުނީ މިކަމަކީ ރަށުގެ ފެން ފަށަލައަށް ނޭދެވޭ އަސަރު ކޮށްފާނެ ކަމެއް ކަމަށް ފަންނީ ބޭފުޅުން މައުލޫމާތު ދީފައިވާ ކަމަށެވެ. އެހެންކަމުން އެއްވެސް ގޭބީސީއެއްގައި ބޭނުން ކުރަމުންދާ ވަޅު ފެނުގައި ތެލުގެ އެއްވެސް އަސަރެއް ހުރިތޯ ބެލުމަށްފަހު އެކަން ރިޕޯޓުކުރުމަށް ވަނީ އެދިފައެވެ.
އެގޮތުން ގޭބިސީތަކުގެ ވަޅު ފެނުގެ ކުލަ، ރަހަ އަދި ވަހަށް އެއްވެސް ބަދަލެއް އައިސްފައިވާނަމަ ލަސްނުކޮށް އެކަން ކައުންސިލަށް އެންގުމަށް ބުނެފައިވެއެވެ.
advertisment