އެމެރިކާގެ އާ ރައީސް ޖޯ ބައިޑަންގެ ސަރުކާރާއެކު ދެޤައުމުގެ ގުޅުން އިތުރަށް ހަރުދަނާވެ އެކުގައި މަސައްކަތްކުރައްވަން ތައްޔާރަށް ހުންނެވިކަމަށް ރައީސުލްޖުމްހޫރިއްޔާ އިބްރާހީމް މުޙައްމަދު ޞާލީޙް ވިދާޅުވެއްޖެއެވެ.
އެމެރިކާގެ 46 ވަނަ ރައީސް ޖޯ ބައިޑަންއާއި، 49 ވަނަ ނާއިބު ރައީސް ކަމަލާ ހެރިސް މަޤާމުގެ ހުވާކުރެއްވުމުން އެދެބޭފުޅުނަށްނަށް މަރުޙަބާ ވިދާޅުވެ ރައިސުލްޖުމްހޫރިއްޔާ ކުރެއްވި ޓްވީޓްގައި ވަނީ ރާއްޖެއާއި އެމެރިކާއަކީ ގާތް ރަހުމަތްތެރި ދެ ޤައުމުކަން ފާހަގަކުރައްވާފައެވެ. އަދި ރައީސް ބައިޑެންގެ ސަރުކާރާއެކު ދެޤައުމުގެ ގުޅުން އިތުރަށް ވަރުގަދަކުރެއްވިގެންދާނެކަމަށް އުއްމީދުކުރައްވާކަމަށްވެސް ރައީސް ވިދާޅުވެފައިވެއެވެ.
ޖޯ ބައިޑަން މަޤާމުގެ ހުވާ ކުރެއްވީ ވެރިރަށް ވޮޝިންޓަންގައި ހުންނަ ކެޕިޓޮލް އިމާރާތުގައި ބޭއްވި ރަސްމިއްޔާތެއްގައެވެ. ނާއިބު ރައީސްކަމުގެ ހުވާކުރެއްވީ، އެމެރިކާގެ ތާރީޚުގައި އެގައުމުގެ ނާއިބުރައީސްކަން ކުރައްވާ އެންމެ ފުރަތަމަ އަންހެން ކަމާލާ ހެރިސްއެވެ.
advertisment
One Response
ކުރިން އިދިކޮޅަށް ތިބެދާނެއެވެ ދޫދޭން ބުނާ ކަހަލަ ގޮތަކަށް އިބާރާތް މިއޮތީ. ކުރިން ތިބީ ބައިޑެންއާ ދެކޮޅަށްތޯ?