ރަށަށް ބަދަލުވާން ބޭނުންވާ 500 އާއިލާއަށް އެހީތެރިކަން ފޯރުކޮށްދޭން ސަރުކާރުން ހާއްސަ ޕްރޮގްރާމެއް ފަށަން ނިންމައިފި އެވެ.
ޖެންޑާ މިނިސްޓަރު އާއިޝަތު މުހައްމަދު ދީދީ ވިދާޅުވީ، މާލޭގައި ދިރިއުޅެން ދަތިވެފައިވާ މީހުންނަށް އަލުން އަނބުރާ ރަށަށް ދިރިއުޅުން ބޭނުން ނަމަ ސަރުކާރުން އެކަމަށް އެހީ ދޭން ނިންމާފައިވާ ކަމަށާާާއި ބަދަލު ކުރަން ބޭނުންވާ މީހުން، އެ މިނިސްޓްރީގެ ނަމްބަރު 1421އަށް ގުޅުމަށް އޭނާ އެދިވަޑައިގަންނަކަމަށެވެ.
މައުލޫމާތު ލިބިފައިވާ ގޮތުގައި ރަށަށް ބަދަލުވާން އެހީ ދޭނީ 500 އާއިލާއަށެވެ.
އެ ޕްރޮގްރާމުގެ ދަށުން އެހީ ހޯދަން ހުށަހަޅާ މީހުންގެ ތެރެއިން ޝަރުތު ހަމަވާ މީހުން ހޮވާނީ އެކި މިނިސްޓްރީތަކުގެ ބޭފުޅުން ހިމެނޭ ކޮމިޓީއަކުންނެވެ.