އިދިކޮޅު ޕީޕީއެމް/ޕީއެންސީ އިން މިހާރު މާލޭގައި ބާއްވަމުންދާ މުޒާހަރާގެ ތެރެއިން މަހިބަދޫ ދާއިރާގެ މެމްބަރު އަހުމަދު ތޯރިގު އާއި ކުރީގެ ނިލަންދޫ ދާއިރާގެ މެމްބަރު އަބްދުﷲ ހަލީލް ހައްޔަރުކޮށްފިއެވެ.
އިދިކޮޅު ކޯލިޝަނުގެ ތަރުޖަމާނު ހީނާ ވަލީދު ވިދާޅުވީ މެމްބަރު ތޯރިގު އާއި ހަލީލު ވެސް ހައްޔަރުކޮށްފައިވާ ކަމަށެވެ.
މި މުޒާހަރާގެ ތެރެއިން ހަލީލް އާއި ތޯރިގު ހައްޔަރުކުރިއިރު، އިދިކޮޅުން މިއަދު ހަވީރު މާލޭގައި ބޭއްވި އެއްވުމުގެ ތެރެއިން ވަނީ 11 މީހަކު ހައްޔަރުކޮށްފައެވެ. އަދި އެކަކަށް އަނިޔާވުމުގެ ސަބަބުން ދަނީ އޭޑީކޭ ހޮސްޕިޓަލުގައި ފަރުވާ ދެމުންނެވެ.