އަދާލަތު ޕާޓީގެ އެތެރޭގެ އިންތިހާބު މިއަދު

އަދާލަތު ޕާޓީގެ އެތެރޭގެ އިންތިހާބު މިއަދު ބޭއްވުމަށް ހަމަޖެހިއްޖެއެވެ.

މި އިންތިހާބުގެ ވޯޓުލުން ކުރިއަށްދާނީ މިއަދު ހެނދުނު 8:00 އިން ހަވީރު 5:00 އާއި ހަމައަށެެެެވެ.

މި އިންތިހާބު އަދާލަތު ޕާޓީގެ ރައީސް އަދި ނައިބު ރައީސް ކަމަށް ބޭފުޅުން ހޮވުން އޮންނާނެއެވެ. އެގޮތުން އަދާލަތުގެ ރައީސް ކަމަށް ވާދަކުރައްވަނީ އެ މަގާމު މިހާރުވެސް ފުރުއްވަމުން އަންނަ، ހޯމް މިނިސްޓަރު އިމްރާން އަބްދުﷲ އާއި، އިސްލާމިކް މިނިސްޓަރުގެ މަގާމުގައި ހުންނެވި ޑރ. އަހްމަދު ޒާހިރު އަލީ އެވެ.

އިމްރާންގެ ރަނިންމޭޓުގެ ގޮތުގައި ޕާޓީގެ ނައިބު ރައީސް ކަމަށް ވާދަކުރައްވަނީ އަހްމަދު ޝަރީފް އެވެ. އަދި ޑރ. ޒާހިރުގެ ރަނިންމޭޓެއްގެ ގޮތުގައި ޕާޓީގެ ނައިބުރައީސް ކަމަށް ވާދަކުރައްވަނީ އަހްމަދު ނަޝީދު އެވެ.