ހެލްތު މިނިސްޓްރީން މީޑިއާތަކަށް ހަމަހަމަ ފުރުޞަތު ނުދޭ މައްސަލާގައި، މޯލްޑިވްސް މީޑއާ ކައުންސިލް (އެމްއެމްސީ)އިން ހެލްތު މިނިސްޓަރާއި ބައްދަލުކުރައްވައިފިއެވެ.
ހެލްތު މިނިސްޓްރީން ބާއްވާ އިވެންޓުތަކުގައި ހުރިހާ މީޑިއާއަކަށް ދަޢުވަތު ނުދީ، ހަމައެކަނި ބައެއް މަދު މީޑިއާތަކަށް ދަޢުވަތުދޭ މައްސަލާގައި މީޑިއާތަކުން ވަނީ ކަންބޮޑުވުން ފާޅުކޮށްފައެވެ. އެކަމުގެ ޝަކުވާ މީޑިއާ ކައުންސިލަށްވެސް ހުށައަޅަފައިވެއެވެ.
އެހެންކަމުން މީޑިއާ ކައުންސިލުން މިއަދު ވަނީ ހެލްތު މިނިސްޓަރާއި ބައްދަލުކުރައްވާ އެކަމުގެ ކަންބޮޑުވުން ހިއްސާކުރައްވާފައެވެ. އަދި އެކަމަށް ޙައްލެއް ހޯދައި ދެއްވުމަށްވެސް އެދިވަޑައިގެންފައިވެއެވެ. މި ބައްދަލުވުމުގައި މީޑިއާ ކައުންސިލްގެ ފަރާތުން ބައިވެރިވެވަޑައިގަތީ އެ ކައުންސިލްގެ ރައީސް ޝަހުބާން ފަހުމީއާއި، ނާއިބު ރައީސް ޙުސައިން ޝަޤީފްއެވެ. އަދި މިނިސްޓްރީގެ ފަރާތުން ހެލްތު މިނިސްޓަރާއި، ބައެއް އިސްވެރިން ބައިވެރިވެވަައިގަތެވެ.
advertisment