ސައުދީ އަރަބިއާގައި ކޮވިޑް ފެތުރުން ހުއްޓުވުމަށްޓަކައި 20 ގައުމަކުން މީހުން ދިޔުން މަނާކޮށްފި އެވެ.
އެގައުމަށް ދިޔުން މަނާކޮށްފައި ވަނީ ޔޫއޭއީ، މިސްރު، ލުބުނާން، ތުރުކީ، އެމެރިކާ، އިނގިރޭސިވިލާތް، ޖަރުމަނު، ފްރާންސް، އިޓަލީ، އަޔަލޭންޑް، ޕޯޗުގަލް، ސްވިޒަލޭންޑް، ސްވިޑެން، ބްރެޒިލް، އާޖެންޓީނާ، ދެކުނު އެފްރިކާ، އިންޑިއާ، އިންޑޮނޭޝިއާ، ޕާކިސްތާން އަދި ޖަޕާންއިން ދާ މީހުންނެވެ.
ނަމަވެސް އެގައުމުތަކުންދާ ޑިޕްލޮމެޓުންނާއި ސިއްހީ ދާއިރާގެ މުވައްޒަފުންނާއި އެމީހުންގެ އާއިލާތައް އެ ގަވާއިދުން އިސްތިސްނާ ވާނެ އެވެ.
ސައުދީން އެ ފިޔަަވަޅުތައް އެޅީ އެގައުމުގައި ކޮންމެ ދުވަހަކު އަލަށް ކޮވިޑަށް ޕޮޒިޓިވްވާ މީހުންގެ އަދަދު އިތުރުވި ފަހުންނެވެ.