އައްޑޫ ސިޓީ މޮނީޓަރިންގެ ހާލަތަށް ގެނައުމާ ގުޅިގެން، އެ ސިޓީ ހުރިހާ ސްކޫލެއް ބަންދުކޮށްފިއެވެ.
އެޗްޕީއޭ އިން އައްޑޫ މޮނީޓަރިންގެ ހާލަތަށް ގެނެސްފައިވަނީ ހިތަދޫ ފްލޫ ކްލިނިކަށް ދެއްކި ދެ މީހަކު ކޮވިޑް-19 އަށް ޕޮޒިޓިވްވުމާ ގުޅިގެންނެވެ.
އައްޑޫ މޮނީޓަރިން ހާލަތަށް ގެނައުމުން އެ ސިޓީގެ ހުރިހާ ސްކޫލް މާދަމާ އިން ފެށިގެން އެޗްޕީއޭ އިން ވަކި ގޮތެއް އަންގަންދެން ބަންދުކުރަން މިހާރު ވަނީ ނިންމާފައެވެ.
އެޗްޕީއޭ އިން މިއަދު ނެރުނު އެންގުމެއްގައި ބުނީ އައްޑު މޮނީޓަރިންގެ ހާލަތަށް ގެނެސްފައިވަނީ ކޮވިޑް-19 އާ ގުޅިގެން ސިއްހީ ގޮތުން އިތުރަށް ބަލަންޖެހޭ ކަންކަން ބެލުމަށް ކަމަށެވެ.