ހުޅުމާލެ ޑިޓެންޝަން ސެންޓަރުން ބިދޭސީއަކު ފިލައިފިއެވެ.
މޯލްޑިވްސް ކަރެކްޝަނަލް ސާވިސް އިން ބުނީ އެ ސެންޓަރުން ފިލާފައިވަނީ އިމިގްރޭޝަން ޤާނޫނާއި ހިލާފުވެގެން ރާއްޖެއިން ފުރުވާލެވެންދެން އެ ސެންޓަރުގައި ބަހައްޓާފައި ހުރި ބަންގްލަދޭޝްގެ އުމުރުން 32 އަހަރުގެ ފިރިހެނެއް ކަމަށެވެ.
އެ ސެންޓަރުން އޭނާ ފިލާފައިވަނީ މިރޭ 19:27 ހާއިރު ކަރެކްޝަންސް އިން ބުނެއެވެ. އޭނާ ހޯދުމުގެ މަސައްކަތް ފުލުހުންނާއި ގުޅިގެން މިހާރު ކުރަމުންދާ ކަމަށްވެސް ބުނެފައިވެއެވެ.
ކަރެކްޝަންސް އިން ވަނީ އޭނާއާ ގުޅޭ އެއްވެސް މަޢުލޫމާތެއް ލިބިއްޖެނަމަ އެ ސާވިސްގެ ނަންބަރު 9986125 ރިޕޯޓުކޮށްދިނުމަށް އެދިފައެވެ.