މޮޔަ ގޮވަމުން މާލެތެރޭ ދުވަން ފުރުސަތު ދީގެން ނުވާނެ ކަމަށް އެމްޑީޕީގެ ޓިކެޓުގައި އައްޑޫ ސިޓީގެ މޭޔަރު ކަމަށް ވާދަކުރައްވާ އަލީ ނިޒާރު ވިދާޅުވެއްޖެއެވެ.
ނިޒާރު ކުރެއްވި ޓްވީޓެއްގައި ވިދާޅުވީ މާލޭގައި މުޒާހަރާ ކުރުމަށް ފުރުސަތު ދޭނަމަ އައްޑޫގައި ވިޔަފާރި ބަންދުކޮށްގެން ރަށު ބަންދުވެފައި އެތައް 100 ބަޔަކު ރަށަށް ނާދެވި އެޗްޕީއޭ އަށް އާދޭސް ކުރަންޖެހޭ ސަބަބެއް ނުވިސްނޭ ކަމަށެވެ.
“އެއްވެސް އަސާސެއް ނެތް ޝަކުވާތަކެއް ކުރަމުން، މޮޔަ ގޮވަމުން މާލެތެރޭ ދުވަން ފުރުސަތު ދެވިގެން ނުވާނެ” ނިޒާރު ވިދާޅުވިއެވެ.
ނިޒާރު މިހެން ވިދާޅުވެފައިމިވަނީ އިދިކޮޅު ފަރާތްތަކުން ކޮންމެ ރެޔަކާއި ހަފްތާ ބަންދުގައި މާލޭގައި އެއްވުންތައް ބާއްވަމުންދާ ދަނޑިވަޅެއްގައެވެ
އިއްޔެ ވެސް ރާއްޖެއިން 120 މީހަކު ޕޮޒިޓިވް ވެފައިވާއިރު އޭގެތެރެއިން 99 މީހުން ނިސްބަތްވަނީ މާލެ ސަރަހައްދަށެވެ.
.