އިދިކޮޅުން މާލޭގައި ކުރަމުންދަނީ މުޒާހަރާއެއް ނޫން ކަމަށާއި އެއީ ލާހޫރެނީ ކަމަށް، ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
މިރޭ ބޭއްވި އެމްޑީޕީގެ ގައުމީ މަޖިލީހުގެ ބައްދަލުވުމުގައި ވާހަކަދައްކަވަމުން ނަޝީދު ވިދާޅުވީ އިދިކޮޅުން މަގުމަތީގައި ހަޔެއްކަށް މީހުން ލައިގެން ލާހޫރެނީ ކަމަށާއި އެއީ މުޒާހަރާއެއް ނޫން ކަމަށެވެ.
“މަގުމަތީގައި ހަޔެއްކަށް މީހުން އެބަ ލާހޫރޭ. ބުނަނީ މުޒާހަރާއޭ، ނަޝީދު ވިދާޅުވިއެވެ.
ހަޔެއްކަށް މީހުން މަގުމައްޗަށް ނިކުމެ ލާހޫރުމަކީ އެއްގޮތަކަށް ވެސް މުޒާހަރާއެއް ކަމަށް ދެކެވަޑައިނުގަންނަވާ ކަމަށާއި ފުލުހުންގެ ވަގުތުތައް މިކަމަށް ނަގާލަންޖެހޭތީ އާއި އަދި ފުލުހުން އެ ތަންތަނުގައި ތިބެންޖެހުމަކީ ހިތާމަކުރައްވާ ކަމެއް ކަމަށްވެސް ނަޝީދު ވިދާޅުވިއެވެ.