ކޮވިޝީލްޑްގެ އެއްލައްކަ ޑޯޒްވެސް ދޭނީ ވެކްސިންގެ ފުރަތަމަ ޑޯޒްގެ ގޮތުގައި ކަމަށް ހެލްތް އެމަޖެންސީ އޮޕަރޭޝަން ސެންޓަރ (އެޗްއީއޯސީން) ވިދާޅުވެއްޖެއެވެ.
ރޭގެ ނޫސްވެރިންގެ ބައްދަލުވުމުގައި މުހައްމަދު ހަމްޒަތު ވިދާޅުވީ މިހާރު ލިބިފައިވާ ހުރިހާ ވެކްސިން އެއް ވެސް ދޭނީ ފުރަތަމަ ޑޯޒްގެ ގޮތުގައި ކަމަށެވެ.
މި މަސް ނިމުމުގެ ކުރިން އިތުރު ވެކްސިން ޑޯޒްތައް ލިބޭނެ ކަމަށް އޭނާ ވިދާޅުވިއެވެ.
ވެކްސިން ނުލިބިގެން ވެކްސިން ޕްރޮގްރާމް ހުއްޓާލަން ނުޖެހޭނެ ކަމުގެ ވަރަށް ބޮޑު ޔަޤީންކަމެއް އޮތް ކަމަށް އޭނާ ވިދާޅުވިއެވެ.
އެޗްޕީއޭގެ ތަފާސްހިސާބުތައް ދައްކާގޮތުން މިހާތަަނަށް 43817 މީހެއްގެ ގަޔަަށް ވަނީ ވެކްސިން ޖަހާފައެވެ.
advertisment