ޑިންގީއެއްގައި އޮޔާދިޔަ ބިދޭސީއަކު އެމްއެންޑީއެފްގެ ކޯސްޓްގާޑުން ސަލާމަތްކޮށްފިއެވެ.
އެމްއެންޑީއެފް އިން ވިދާޅުވީ ވ. އަންބަރާ ކައިރިން ދަތުރުކުރަމުންދިޔަ “މޯލްޑިވިއާނާ” ނަމަކަށް ކިޔާ ސަފާރީއަކަށް، ހާލުގައިޖެހި އޮޔާދާ ޑިންގީއެއްގައި ބިދޭސީ މީހަކު އިންދާ ފެނިގެން، އެމްއެންޑީއެފް އިން ހަރަކާތްތެރިވާން ފަށާފައިވާ ކަމަށެވެ.
މި ހާދިސާގެ ރިޕޯޓު އެމްއެންޑީއެފް އަށް ލިބުނީ މިއަދު ހަވީރު 17:12 ހާއިރު އެވެ.
ކޯސްޓްގާޑްގެ ބެލުމުގެ ދަށުން މި ޑިންގީ ވ. ފެލިދޫއަށް މިހާރު ގެންދިއުމުގެ މަސައްކަތް އަންނަނީ ކުރަމުންނެވެ.
އެމްއެންޑީއެފް އިން ބުނީ އެމީހާގެ އަތުގައި ހުރި ޑޮކިއުމެންޓަށް ބަލާއިރު އެއީ ލަނކާ މީހެއް ކަމަށް ބެލެވޭ ކަމަށެވެ.